Page 81 - Аржаков Степан Степан

үтүөкэн дьоно" диэн ааттаах С.С. Аржаков саҥа кинигэтэ
соторутааҕыта Дьокуускайга бэчээттэнэн таҕыста.
Бу үлэтигэр автор биһиги улууспут улаханнык убааста-
нар ытык кырдьаҕастарын М.Н. Гермогеновы, А.И. Борисо-
вы, лауреат М.Г. Егоровы, ону сэргэ "эн-мин" дэсиһэн үлэ-
лээбит үтүө дьоннорун М.Д. Петровы, Г.С. Самсоновы,
С.З. Борисовы, И.Ш. Мансуровы, Е.И. Лукины, М.Е. Степа-
нованы, А.Н. Анисимовы, Е.Д. Кычкины, И.Г. Игнатьевы
уо.д.а. истиҥ-иһирэх тылларынан ахтан-санаан, ис
дууһатыттан улаханнык долгуйан туран олус ылыннарыы-
лаахтык уонна итэҕэтиилээхтик кэпсиир. Биһиги улууспут
ахтыллыбыт бастыҥ дьоно үүнэр көлүөнэ ыччакка сүппэт-
оспот үтүөкэннээх суолу-ииһи хаалларбыттара, кинилэр
үлэлээн ааспыт олохторун мэҥэ ыччата, үүнэр көлүөнэ
дьоно-сэргэтэ үтүө холобур оҥостоллор, кинилэр үтүөлэ-
рин-өҥөлөрүн, ааттарын-суолларын умнубаттар.
С.С. Аржаков бэйэтэ Уус Алданҥа төрөөбүт киһи.
үөрэҕин бүтэрээт, олох эдэригэр, кыахтаах киһи кыахтааҕа
эрдэттэн өтө биллэн, бэйэтин үлэтин Дьабыыл оскуолатын
директорын боччумнаах уонна эппиэттээх дуоһунаһыттан
саҕалаабыта. Онтон үүнэн-сайдан үөрэх салаатын инспек-
торынан, үөрэх уонна культура салааларын сэбиэдиссэйдэ-
ринэн өрө таһаарыллан тахсыылаахтык үлэлээбитэ. Түөрт
уон сыл анараа өттүгэр райком бастакы секретарынан быы-
бардаммыта. Биһиги улууспут үлэһит дьоно улаханнык
убаастыыр салайааччылара, оччотооҕу райком бастакы сек-
ретарынан айымньылаахтык үлэлээбит С.И. Сосин бэйэтин
сэксээлэтин-дуоһунаһын, киэҥ кэбиниэтин, баар-суох тут-
тар сэбин-сэбиргэлин, улахан уруучукатын, бука, мээнэ,
түбэһиэхчэ киһиэхэ туттарбатах, туран биэрбэтэх
кырдьаҕас буолуохтаах. Бэйэтэ бүөбэйдээн, иитэн-такайан
үүннэрбит киһитигэр солообут суолбун өссө кэҥэтиэ, үлэ-
лээбит үлэбин өссө айымньылаахтык, киэҥ далааһыннаах-
тык салгыаҕа диэн итэҕэйэн-эрэнэн туттарбыта чуолкай
буолуо. Кырдьаҕас киһи ити итэҕэлин С.С. Аржаков түһэн
биэрбэт курдук үлэлээбитэ. Ону кини элбэх үрдүкү наҕараа-
далара, араас көрүҥнээх чиэстээх, бочуоттаах ааттара
уонна Мэҥэ үлэһит дьонун дириҥ ытыктабыллара чаҕыл-
хайдык туоһулууллар.
Убайа Сергей Васильев өрдөөҕүтэ биһиэхэ үлэлии