Page 72 - Аржаков Степан Степан

ка үөрэммиппит. Кинилэр ортоку оскуола куукунатыгар
олорбуттара. Ити дьиэҕэ учууталлар, интернат оҕолоро
олороллоро. Бары биир уопсай куукуналаахтара. Онон куу-
куна кунү быһа киирии-тахсыы киинэ этэ. Ол күүгээн, бу-
руо-тараа ортотугар Степа хаһан уруогун ааҕара, үөрэтэрэ
буолла? Ол үрдүнэн куруутун туйгун сыанаҕа үөрэнэрэ.
Үөрэҕи ылар эттээх киһи оһуобай буолар диэн итинниги
этэн эрдэхтэрэ. Куукунаны кытта кэккэлэһэ икки кып-кыра
хоско Гражданскай сэрии Геройа Гавриил Васильевич Его-
ров эдэркээн кэргэнинээн Танялыын олороллоро. Эмиэ бу
дьиэҕэ кэлин Саха республикатын үтүөлээх учуутала буол-
бут Михаил Владимирович Федоров олорбута. Кини Виктор
Гюго “Отверженные” романын киэһэ аайы ааҕара, кэпсии-
рэ. Степан уруокка эппиэттиирэ куруутун чаҕылхай буола-
ра. Алтыс кылааска “хараҕын тырымыгар күн сыдьаайдаах,
күлэн-үөрэн сандаарыйбыт, кэрэмэн диэн бэйэлээх,
чаҕаарыйан саҥарбыт Аммосова Мария Егоровна” үөрэп-
питэ. Степа өйтөн суруйууга “Моя мечта” диэн нууччалыы
хоһоон суруйбутун Мария Егоровна улаханнык хайҕаабыта.
Степа бу хоһоонун хайдах курдук өрө күурүүлээхтик ааҕа ту-
рарын санаатахха, Пушкин “Воспоминания в Царском Селе”
диэн хоһоонун улуу Державин иннигэр аахпытын өйдөөн кэ-
лэбин.
“Үөрэх, билии умсулҕаныгар” диэн салааҕа Танда сэттэ
кылаастаах оскуолатын бүтэрбит үс үөрэнээччи: Ваня Коло-
дезников, Маша Находкина, Степа Аржаков Дьокуускай-
дааҕы педрабфакка киирэргэ быһаарыммыттарын туһунан
суруллар. Автор айан кыһалҕатын, харчы наадатын олус
үчүгэйдик ойуулуур: “Суотту биэрэгиттэн Даркылаахха диэ-
ри оччотооҕуга оҥочонон туоратар этилэр. Онно балай эмэ
харчыны төлөөтөххө олордоллор эбит. Мин соххор да сол-
куобайым суох. Хата, табаарыһым Ваня иэс биэрэн абыраа-
быта. Оҥочобутун уһун күнү быһа оҥостубута буоланнар,
биэрэккэ олордубут. “Капитаммыт” итиригэ да бэрт.
Оҥочобутугар дьон бөҕөнү уонна куоракка атыылыы киллэ-
рэн иһэр сүөһүнү тобус-толору тиэннилэр. Сүөһүлэрбит
тотторо да бэрт, үрдүбүтүгэр “тэптэрээри” эрэй бөҕө...\
Степан үөрэнэр сылларыгар сэрии сордоох содула, ас-
таҥас тиийбэтэ элбэхтик эрийбитэ. Хата, ол моһоллору