Page 24 - С.С. Аржаков Уус-Алдан үлэһит дьоно

Саха норуота гражданскай сэрии геройа, республикаҕа
үөрэхтээһин уонна культура дьиҥнээх деятелэ Г.В. Егоров
сырдык аатын умнуо суоҕа, куруутун кэриэстиэ. Г.В. Егоров
аатын Мүрү орто оскуолата сүгэр. Тандаҕа, Бороҕоҥҥо Герой
пааматынньыктара үүнэр көлүөнэни үөрэххэ, сырдыкка
ыҥыра тураллар. сырдык ыра өлбөт үйэлээх.
Норуоттан тахсыбыт дьоруой - Хабырылла Дьөгүөрэп
туһунан ахтыыбын народнай суруйааччы Леонид Попов, Ге-
рой туһунан ырыатынан түмүктүөхпүн баҕарабын. Бу ырыаны
Леонид Попов 1964 сыллаахха Герой 85 сааһын бэлиэ-
тээһиҥҥэ Тандаҕа тахса сылдьан суруйбута.

ЕГОРОВ ТУҺУНАН ЫРЫА

Леонид Попов
Аммаҕа, Тааттаҕа
Аллаах ат туйаҕа
Хабыллар, чаҕыллар
Хаппыт суол буоругар,
Кыһыллар иһэллэр,
Кыргыһа киирэллэр.
Винтовка тутуурдаах
Саабыла кымньыылаах
Бу киммит көтүтэр
Бар дьоммут баатыра,
Бартыһаан Дьөгүөрэп.
Коммунист партия
Хотойо Дьөгүөрэп
Сүрэҕэ төлөннөөх
Сүһүөҕэр эрчимнээх
Охсуһуу уотугар
Уот-бастаан ойутар.
Кыайыыны уруйдаан
Үөрүүнү айхаллаан
Толооҥҥо туойаллар,
Алааска ыллыыллар
Бартыһаан Дьөгүөрэп
Бар дьоҥҥо аатырда.
Танданан, Мүрүнэн
Кэбээйи сиринэн
Уу дьоруо атынан
Оҕонньор сиэллэрэр
Олоҕу оҥорсор
Оскуола туттарар.

22