Page 26 - С.С. Аржаков Уус-Алдан үлэһит дьоно

нини кырдьаҕас коммунист быһыытынан куруутун билэрим.
Кини партийнай уонна нэһилиэккэ буолар араас мунньахтарга
мэлдьи кыттыыны ылара. Мунньахха хойутаабакка кэлэн сэ-
мэй баҕайытык туттан олорор буолара. Сорохтор курдук ор-
дук-хоһу боппуруостарынан да моһуоктаспат, көрсүө-сэмэй
киһи этэ.
Данил Гаврильевич бэйэтэ кыра соҕус уҥуохтаах, хатыҥыр
оҕонньор этэ. Ол да буоллар мунньахха тыл этэ кафедраҕа
таҕыстаҕына сирэйэ-хараҕа сырдыыра, улахан даллайбыт кул-
гаахтара хамсыырга, модьу сыҥаахтара инники диэки уунарга
дылы буолаллара. Олоҕу олорбут, үлэҕэ-хамнаска эриллибит
киһи быһыытынан Данил оҕонньор боппуруоһу дуоспурун-
наахтык быһаарсара, таба сүбэлэри этэрэ. Данил Гаврильевич
оннук этиитин мин хаста да колхозтаахтар уонна коммунистар
мунньахтарыгар истибитим. Ааспытын кэннэ аҕыннахха,
аҥардас Чараҥ, Майаҕас бөһүөлэктэрин проблемарын тула
төһөлөөх кэпсэтии барбыта буолуой? Билигин биир дэриэбинэ
буола силбэстилэр.
Уус-Алдан оройуона сотору-сотору кураанныырын, кини
ходуһаларыгар уонна бааһыналарыгар аһыҥа турарын бары
билэбит. Ордук «Маяк» колхоз эмсэҕэлээччи. «Маяк» колхоз
Мүрү арыыларыгар уонна тулатыгар 1200 гектар ходуһалаах.
Ол сирдэрэ, ордук үрдүк хордоҕойдоро, сороҕор хотуур даҕаны
түспэт гына кууран-хатан хаалааччы. Маннык балаһыанньа
1973 сыллаахха эмиэ суоһаабыта. Бу ыарахан балаһыанньатган
хайдах тахсыахха сөбүн туһунан мин колхоз салалтатын,
нэһилиэк сэбиэтин, специалистары кытта саас эрдэггэн сүбэ-
лэспитим. Ону таһынан кырдьаҕастар ааттарыттан аатырбыт
практик, хортуоппуй үүннэрээччи Митрофан Бурцевы, Үлэ
Геройа Данил Бурцевы кытта эмиэ кэпсэппитим. Онно
«Сүүнэ» уонна «Ойоҕос» диэн 130 гектардаах ходуһалары ис-
кусственнайдык ардахтатан нүөлсүтэргэ уонна минеральнай
уоҕурдууну киллэрэргэ быһаарсыбыппыт. Санаммыт санааны
олоххо киллэрэн «Маяк» колхоз уу куттарбыт уонна уоҕурдубут
сириттэн гектартан 15-20 центнер оту ылан, ол сыл хайа да
атын оройуоҥҥа оттуу көспөтөҕө. «Кэбээйигэ көһөн тиийэн
уон бугулу оттуохтааҕар, миэстэҕэ биир бугулу ылбыт ордук», -
диэбитэДанил Гаврильевич.
Аны Данил Гаврильевич урукку олоҕун, үлэтин хамнаһын
уонна хайдах Үлэ Геройа буолбутун туһунан кылгастык
көрүөҕүҥ.
Данил оҕо, эдэр саастара ыраахтааҕы былааһын кэмигэр
ааспыттара. Кумааҕы, харандаас, оскуола диэни билбэккэ от-
мас үлэһитэ буолан улааппыта.
24