Page 27 - С.С. Аржаков Уус-Алдан үлэһит дьоно

Онтон былаас уларыйан, гражданскай сэрии бүтэн, тыа си-
ригэр холбоһуктааһын саҕаланар. Хороҕо маҥнай коммунаны
боруобалаан көрөн баран тохтууллар. Ол оннугар ТСОЗ-тар тэ-
риллэллэр. Чараҥҥа Бурцевтар аҕа уустара уонча хаһаайысты-
ба холбоһон «Эйэлээх» диэн табаарыстыба буолаллар. Онно
Данилы предссдателинэн талаллар. Сыл курдук олорбуттарын
кэннэ колхозтары тэрийии саҕаланар. Хас да табаарыстыба
холбоһон «Маяк»диэн колхоһу тэрийэллэр. Колхоһу тэрийии-
гэ Кыһыл партизан Дмитрий Андреевич Алексеев (Кымахы)
активнай кыттыыны ылбыта. Колхоз председателинэн эмиэ
Данил талыллыбыта. Ити 1929 сыллаахха Уус-Алдан оройуо-
нугар бастакы тэриллибит колхоз этэ.
Данил Гаврильевич саҥа сэбиэт былааһын, аныгы колхоз-
най олоҕу туох да мунааҕа суох күүскэ пропагандалаабыта,
өйө-санаата хоторунан колхоһун үлэтин иилээбитинэн-
саҕалаабытынан барбыта. Оччолорго үлэ көрүҥэ олус элбэҕэ.
Дьиэттэн хотону араарыы, үөрэҕэ суоҕу үөрэхтээһин, сир
түҥэтиитэ о.д.а. Итиннэ барытыгар Данил Гаврильевич туох да
кэтэмэҕэйдээһинэ суох сыратын, өйүн-санаатын ууран туран
ылсыбыта. Тэрийэр дьоҕурдаах, ылыннырыылаах тыллаах-
өстөөх, эппитин төлөрүппэт, дьүккүөрдээх үлэһит буолбут Да-
нил Гаврильевиһы партия Уус-Алданнааҕы райкома 1930 сыл-
лаахха өссө эппиэттээх үлэҕэ - Хоро сельсоветын председате-
линэн ыыппыта.
Сэбиэт үлэтигэр Данил Бурцев эмиэ таһаарыылаахтык үлэ-
лээбитэ. Хоролору Хоролор дэппитэ. Ол да иһин 1930 сыллаах-
ха сайын кини колхоз олоҕун сайыннарыыга активнай үлэтин
бэлиэтээн ЯЦИК дьаһалынан харчынан уонна велосипедынан
наҕараадаламмыта. Ол велосипедын киниэхэ «Красная Яку-
тия» санаторийга эмтэнэ сыттаҕына аймаҕа Н.Н. Шеломов
таһааран туттарбыта. Велосипедка бастакы үөрэтээччитинэн
суруйааччы, саха улахан биллиилээх киһитэ Алампа Софронов
буолбута. Онон Данил Бурцев Уус-Алдаҥҥа бастакы велоси-
педтаах бастыҥ сэбиэт этэ. Мүрү эбэ хотун киэҥ нэлэмэн
иэнигэр велосипедынан элэҥнэтэрэ.
Сыллар-күннэр ааһан иһэллэр. Данил Гаврильевич аны Сэ-
биэттэр Бүтүн Россиятааҕы куоталаһыыларыгар бастаан тах-
сар. Онон 1935 сыллаахха от ыйын 5 күнүгэр Үлэ Геройа диэн
Грамотанан наҕараадаланар. Грамота ис хоһооно маннык:
Үлэ Геройун Грамотата.
Гр. Бурцевка - Саха АССР, Уус-Алдан оройуонун Хоро
сельсоветын председателигэр.
Колхозтары хаһаайыстыба, тэрээһин өтгүнэн бөҕөргөтүүгэ,
колхозтар уонна колхозтаахтар олохторун материальнай
таһымын өрө көтөҕүүгэ, государство иннигэр иэһи барытын
25