Page 22 - С.С. Аржаков Уус-Алдан үлэһит дьоно

на, Г.В.Егоровка сыһыан уларытыллыан сатаммат. Г.В.Егоров
дьиҥнээх норуот дьоруойа этэ.
Гражданскай сэрии бүтэн, эйэлээх олох саҕаланарын кытта
Г.В. Егоров саатын-саадаҕын устан, саҥа олоҕу тутууга актыы-
бынайдык кыттыбытынан барбыта. Ол курдук 1929 сыллаахха
сир түҥэтигин ыытыспыта, бастакы колхозтары тэрийсибитэ.
Онтон сылтаан тыа сиригэр культурнай революцияны ыытыы-
га Г.В.Егоров талааннаах салайааччы, общественнай деятель
быһыытынан биллибитэ. Кини Саха Правительствотын чи-
лиэнин быһыытынан (Г.В. Егоров 1929-34 сс. Саха Киин ситэ-
риилээх комитетын - ЯЦИК чилиэнэ этэ) киэҥ далааһыннаах
тэрийэр үлэни ыытан, Уус-Алдан, Нам, Таатта, Чурапчы уон-
на Кэбээйи оройуоннарыгар 20-тэн тахса оскуолалары, интер-
наттары, балыыһалары, учууталлар олорор дьиэлэрин, баан-
ньыктары бэйэтэ быһаччы салайан, маастардаан туттарбыта.
Бу бөдөҥ тутуулары республика бюджетын тас өртүнэн,
сүнньүнэн нэһилиэнньэттэн хомуйан уонна Советскай Союз
үрдүкү Правительствотыттан быһаччы туруорсан ылбыт
үбүнэн, норуот тутуутун быһыытынан үлэни тэрийэн, дьону
бэйэтин үлэлэтэн ыыттарара.
Г.В. Егоров народнай тутууларыгар үп көрдөһө Москваҕа
хас да төгүл бара сылдьыбыта биллэр. Онно Бүтүн Союзтааҕы
староста М.И. Калиниҥҥа, Совнарком председателэ В.М. Мо-
лотовка, Доруобуйа харыстабылын наркома Семашкоҕа уонна
наркомпрос Бубновка, Н.К.Крупскаяҕа, Комсомол Киин Ко-
митетын бастакы секретарыгар Косаревка сылдьыталаан элбэх
үбү көҥүллэппит эбиитин үөрэх араас тээбириннэрин, маста-
рыскыай инструменнарын аҕалтарбыт.
Г.В. Егоров ыччаты үөрэхтээһиҥҥэ үтуөлэрэ үрдүктүк сыа-
наламмыта. Киниэхэ РСФСР норуотун үөрэҕириитин туйгуна
аат биир бастакынан иҥэриллибитэ, Саха АССР КСК Бочуо-
тунай грамоталарынан наҕараадаламмыта. Гавриил Василь-
евиһы мин Танда оскуолатыгар үөрэнэ сылдьан сыл курдук
бииргэ дьукаах олорон көрбүтүм, билбитим.
Аҕам оскуола ортоку дьиэтигэр остуорас, оһох оттооччу этэ
(ити сэрии иннинээҕи 1939-40 үөрэх сыла этэ). Онон биһиги-
ни оскуола куукунатыгар олордубутгара. Куукунаны кытта
кэккэлэһэ турар икки кып-кыра хоско Гавриил Васильевич
кэргэнинээн Танялыын олороллоро. Биһиги оҕолор Гавриил
Васильевиһы кытта сотору бодоруһа охсубуппут. Аспыт-
таҥаспыт чычырбаһын билэр буолан буолуо, Гавриил Василь-
евич оройуонтан, куораттан кэллэҕинэ куруутун биһиэхэ
кэһии аҕалара. Оннооҕор колхозтарга тахсан ыалга сырыт-
таҕына хаһыакка сууламмыт эттээх, сымыыттаах буолара.
Гавриил Васильевич учууталлары, пионер баһаатайын кыт-
20