Page 32 - С.С. Аржаков Уус-Алдан үлэһит дьоно

Курскай Дугаҕа кыргыһыы кэнниттэн капитан Оллонов
Днепр өрүһү туораһар, Киев, Брумлен, Житомир куораттары
босхолоһор.
1943 сыл сэтинньитигэр кистэлэҥ докумуоннары танковай
армия штабыгар У-2 самолетунан илдьэ баран истэҕинэ,
өстөөх мессершмитэ атаакалаан, самолеттарын уматар. Хата
уоппуттаах летчик умайа сылдьар самолету хортуоппуй
бааһынатыгар түһэрэн тыыннаах ордоллор.
1944 сыл от ыйыттан 1945 сыл тохсунньу ыйга диэри Дмит-
рий Даниловиһы Магнитогорскай куоракка үрдүкү бронетан-
ковай оскуолаҕа үөрэххэ ыыталлар. Бу Дмитрий Даниловиһы
хаан тохтуулаах, суостаах-суодаллаах сэрии бара турдаҕына,
үһүс төгүлүн үөрэххэ ыытыы этэ. Дмитрий Данилович 1940-44
сылларга сэриилэспитэ, эмтэммитэ, үөрэммитэ Советскай Ар-
мия бэйэтин кадровай офицердарын хайдахтаах курдук бы-
лааннаан, харыстаан, бүөбэйдээн бэлэмнээбитин, кинилэр
байыаннай стратегия, тактика боппуруостарын баһылааһын-
нарын таба да дьүөрэлээн тэрийбитин илэ чахчы итэҕэтии-
лээхтик көрдөрөр. Ол да иһин Улуу сэриигэ Улуу Кыайыыны
ситиспит эбиппит диэн өйдөбүлгэ эмиэ кэлэҕин.
Үөрэҕин бүтэрэрин кытта Д.Д.Оллоновы 6-с танковай ар-
мияҕа 1068 самоходнай артиллерийскай полка командирын
солбуйааччынан аныыллар. Онон 3-с Украинскай фронт сас-
таабыгар киирэн Венгрияҕа, Австрияҕа сэриилэһэр, Вена куо-
раты босхолоһор.-
Онтон кини полката 2 Украинскай фронт дьаһалыгар бэ-
риллэр. 1945 сыл ыам ыйын 9 күнүгэр сарсыарда эрдэ Прага
куоракка Д.Д. Оллонов танковай полката бастакынан тоҕо
көтөн киирэн Улуу Кыайыыны онно көрсөр.
Аҕа дойду сэриитэ арҕаа кыайыынан түмүктэнэрин кытта
Д.Д.Оллонов полкатын, Верховнай кылаабынай командующай
дьаһалынан, Илин Забайкальскай фроҥҥа ыыталлар. Онон
1945 сыл атырдьах ыйын 9 күнүтгэн гвардия майора Д.Д. Олло-
нов иккистээн японецтары утары сэриигэ киирэр. Кини пол-
ката аатырар Хинган хайаларын туораан Мукден куораты бос-
холуур уонна бэйэтэ Мукден куорат коменданынан ананар.
Д.Д.Оллонов Аҕа дойду сэриитигэр хорсун быһыылара
Бойобуой Кыһыл Знамя, икки Кыһыл Сулус орденнарынан,
элбэх бойобуой медалларынан бэлиэтэммиттэрэ.
Майор Оллонов армияттан, 16 сыл устата кадровай офицер
быһыытынан сулууспалаан баран, 1947 сыллаахха демобнпиза-
цияламмыта.
Дмитрий Данилович дойдутугар эргиллэн кэлэн 16 сыл ус-
тата Ис дьыала министерствотын систематыгар дьаныардаах-
30