Page 34 - С.С. Аржаков Уус-Алдан үлэһит дьоно
P. 34
Саха бастакы профессора
Алексей Дмитриевич Егоров Танда үрэҕин сүнньүгэр II
Байаҕантай нэһилиэгэр, Чулууда диэн алааска элбэх оҕолоох
дьадьаҥы кэргэҥҥэ 1899 сыллаахха кулун тутар ый 27 күнүгэр
төрөөбүтэ. Чулууда кыра буолан баран бэрт дириҥ, ып-ыраас
уулаах күөллээх үчүгэй баҕайы төгүрүк алаас.
Алексей Гаврильевич аҕата политссыльнай Левентальга
үөрэнэн ааҕар-суруйар буолбут уонна уолун үөрэхтээх киһи
оҥороору Баайаҕа народнай оскуолатыгар биэрбит. Алексей
тыа оскуолатын бүтэрээт Дьокуускайга икки кылаастаах ос-
куола бэлэмнэнии курсугар киирбит. Аһыыр-таҥнар
кыһалҕатган үөрэҕин тохтотон Аверинскай атыыһыкка хам-
наччыт буолар. Ол эрээри үөрэххэ баҕалаах киһи 1916 сыллаах-
ха учуутал семинариятыгар киирэн үөрэҕин салгыыр.
1920 сыллаахха семинарияны бүтэрэн Баайаҕа оскуолаты-
гар учууталлыы тахсар. Онтон 1921-26 сылларга, биир дойду-
лаахтара ыҥыраннар, Тандаҕа оскуола сэбиэдиссэйинэн үлэ-
лиир. 1923-28 сылларга Таагга улууһугар Кириэс-Халдьаайы
оскуолатыгар учууталынан ыытыллар.
Онтон 1928 сыллаахха Алексей Дмитриевич үөрэх народнай
комиссариатын командировкатынан Иркутскайдааҕы индус-
триальнай педагогическай институтка үөрэххэ ыыталлар.
Үөрэнэ сылдьан 1930 сыллаахха профессор Франк-Каменец-
кай салалтатынан Байкал күөл химическай састаабын үөрэтэр
экспедицияҕа кыттар. Институттан салгыы Илин-Сибиир-
дээҕи государственнай университет аспирантуратыгар киирэр.
32
