Page 30 - С.С. Аржаков Уус-Алдан үлэһит дьоно

Сүөдэр Ленинградскай фроҥҥа сэриилэһэ сылдьан ыарахан-
нык бааһыран, инвалид буолан, Аҕа дойду сэриитин II степен-
нээх орденнаах 1943 сыллаахха дойдутугар кэлбитэ. Орто бы-
раата Ньукулай Кенигсберга тиийэ сэриилэһэн “Слава” III
степеннээх орденнаах 1945 сыллаахха дойдутугар эргиллибитэ.
Оттон төрдүс быраат Миитэрэй 1934 сыллаахтан Кыһыл
Армия кадровай офицера. Кини 1930 сыллаахха 20 сааһыгар
Дүпсүн 7 кылаастаах оскуолатын бүтэрээт, Дьокуускай куорак-
ка Кыһыл Армия младшай офицердарын бэлэмниир нацио-
нальнай байыаннай оскуолаҕа үөрэнэ киирбитэ. Онтон Ом-
скайдааҕы пехотнай оскуоланы ситиһиилээхтик бүтэрбитэ.
1936 сыллаахха Монголия Народнай Республикатыгар Ун-
дурхан куоракка турар 9-с мотострелковай биригээдэ ротатын
командирынан ананар.
Дмитрий Данилович Оллонов бастакы бойобуой сүрэхтэ-
ниитин 1939 сыллаахха японецтары утары Халкин-Гол сэрии-
тигэр ылбыта. Онно Г.К. Жуков салалтатынан Кыһыл Армия
200 тыһыынча киһилээх Япония аатырбыт 6-с армиятын үлтү
сыспыта. Ити сэриигэ Дмитрий Оллонов бойобуой сорудахта-
ры дьоһуннаахтык толорбутун уонна тус бэйэтин хорсунун
көрдөрбүтүн иһин Бойобуой Кыһыл Знамя орденынан наҕа-
раадаламмыта. Ол орденын Москваҕа Кремльгэ Улуу Октябрь-
скай Социалистическай революция 22 сылын туолар үөрүү-
лээх күнүгэр Бүтүн Союзтааҕы ыстаарыста, ССРС Верховнай
Советын Президиумун Председателэ М.И.Калинин туттарбы-
та.
Халкин-Гол геройа, старшай лейтенант Дмитрий Оллонов
1939 сыллаахха ахсынньы ыйга Украинаҕа Харьковскай
байыаннай уокурукка ыытыллыбыта. Ленинградка 6 ыйдаах
үөрэҕи бүтэрэр, танковай батальон командирынан ананар.
Гитлеровскай Германия Советскай Союзка сэриинэн саба
түһүүтүн Оллонов батальона аан бастаан Арҕаа фроҥҥа, Бело-
руссия сиригэр Барсуковка дэриэбинэтин көмүскээн көрсөр.
Тэҥэ суох кыргыһыыга батальон командира атаҕар баас ылар.
Ол да буоллар охсуһуу хонуутуттан Оллонов туораабат. Киниэ-
хэ аны Сож өрүс уҥа биэрэгэр суоллар быһа охсуһар сүрүн сир-
дэрин көмүскүүр сорудах бэриллэр. Дмитрий Оллонов механи-
зированнай батальона элбэх киһитин, техникатын сүтэрэн ту-
ран, өстөөх кимэн киириитин харгыстыыр. Онтон атаҕар баас-
таах танкист Сож өрүһү, сарсыардааҥы туманынан туһанан,
харбаан туораан, өлөр өлүүттэн мүччү көтөр.
Дмитрий Данилович госпитальга сытан, эмтэнэн, үтүөрэн
тахсарын кытта И.В.Сталин аатынан Кыһыл Армия Байыан-
най академиятыгар үөрэххэ ыыталлар. Кылгас болдьох иһинэн
Академияны бүтэрэр. Капитан званиеламмыт Оллонов КВ-9
28