Page 38 - С.С. Аржаков Уус-Алдан үлэһит дьоно
P. 38
Умнуллубат улахан убайбыт
Сергей Васильев аатын биһиги отутус сылларга оскуолаҕа
үөрэнэ киирбитгэр бэрт сотору истибиппит. Кини аатырбыт
«Арамаан артыала» диэн поэматын оҕо үксэ ааҕара. Мин ордук
«Сэттэ туруйа» диэн хоһоонун сөбүлээбитим, нойосуус үөрэп-
питим:
Үөр сэттэ туруйа
халлааны
кырыйа
көтөрө.
Биэс-алта тыымпыны
үөһэтгэн
курдатгыы
көрөрө...
Ити строкалар, билигин даҕаны, ордук саас айылҕаҕа
таҕыстарбын эрэ, илэ-бодо иһиллэргэ дылы, көтөн иһэр ту-
руйалар харахпар көстөргө дылы буолаллар.
Сергей Степанович Васильевы илэ бэйэтин 1947 сыллаахха,
быһыыта, бэс ыйыгар Суоттуга көрсүбүтүм. Кини Кыһыл кыр-
далтан сатыы соҕуруу бөһүөлэгинэн куораттаан иһэрэ
быһыылаах. Мин эдьиийбинээн Кыһыл кырдалга баран иһэр-
бит. Сергей Степанович Оҕуруоттаах уонна Кыһыл кырдал ик-
ки ардыларыгар сытар ып-ыраас уулаах, сайыннары сыккы-
рыыр кумах үрэҕи талаһанан туораан иһэрэ. Киэҥ, арылхай ха-
рахтарынан көрөн-истэн, хоп-хойуу, хап-хара куудара баттаҕа
долгуннуран, дьэ кырдьык, эрбэх үрдүгэр эргичийэр - диэбит
курдук чэпчэкитик тутган, хааман-сиимэн иһэрэ бу кэрэтин.
36
