Page 44 - С.С. Аржаков Уус-Алдан үлэһит дьоно

Советскай Союз орденнарын, медалларын туттарыллыбыта.
Олор истэригэр Елизавета Ивановна салайааччыта «Победа»
колхоз председателэ Петр Николаевич Данилов Ленин орде-
нынан наҕараадаламмыта.
Елизавета Ивановна туһунан мин аан бастаан ити курдук
Еерой буолбутуттан билбитим. Елизавета Ивановна производ-
ствоҕа эрэ бастыҥ буолбатах, ону ааһан кини активнай общес-
твенник, хас да төгүл ССКП райкомун чилиэнинэн, нэһилиэк
оройуон Советын депутатынан буолуталыы сылдьыбыта. 1958
сыллаахха ССРС бэһис Ыҥырыылаах Верховнай Советын де-
путатынан талыллыбыта. Кини быыбардааччыларын ортоту-
гар республикаҕа сүөһү иитиитин туругун уонна Верховнай
Совет үлэтин туһунан элбэх кэрэхсэбиллээх бэсиэдэлэри
оҥороро.
1960 сыллаахха Е.И. Бурцева Саха АССР Министрдэрин
Советыгар үлэҕэ ылыллыбыта. Кини итиннэ алта сыл устаты-
гар инструкторынан үлэлээн, республика бары оройуоннары-
гар сылдьан сүөһү үлэһиттэрин ортотугар бастыҥ опыты
тарҕатыыга улахан үлэни ыыппыта. Тыа хаһаайыстыбатын
үлэһитгэрэ, ордук ыанньыксыттар бэйэлэрин ортолоруттан
үүнэн тахсыбыт сүөһү иитиитин улахан маастарын эйэҕэстик
көрсөллөрө, кини сүбэтин, ыйыытын-кэрдиитин кэбэҕэстик
ылыналлара уонна толороллоро.
Елизавета Ивановнаны 1963 сыллаахха саас Среднеленскэй
оройуон буолан бараммыт, ыҥыран таһааран колхозтарынан,
фермаларынан сырытыннаран, үүт иһин охсуһууга улахан
көмөнү, сүбэни ылбыппыт. Ити кэнниттэн Уус-Алдан оройуо-
нугар, эмиэ таһааран ыанньыксыттары, сүөсүһүттэри кытта
хаста да көрүһүннэрбиппит. Онно барытыгар бастыҥ опыты
үөрэтии уонна олохтооһун кыайыы тутааҕа буоларын кини эл-
бэх дьоҥҥо өйдөппүтэ.
Кэнники сылларга биһиги оройуоммут, Республика да кол-
хозтарын уонна совхозтарын сүөһүтгэн ылыллар бородууксу-
йаны үрдэтиигэ ситиспит кыайыыларыгар Социалистическай
Үлэ Геройа Елизавета Ивановна Бурцева кылаата кырата суоҕа
чуолкай.
Елизавета Ивановнаны, бастакы Геройбутун, биһиги
оройуон бары үөрүүлээх күннэригэр, түмсүүлэригэр ыҥыран
таһааран кытыннарар, тылын-өһүн дьонугар-сэргэтигэр тиэр-
дэр этибит.
Елизавета Ивановна үлэ киһитин быһыытынан наһаа су-
дургу, аҕыйах саҥалаах, олус чиҥ, принципиальнай киһи этэ.
Елизавета Ивановна Дьокуускайга 1985 сыллаахха ыалдьан
өлбүтэ. Герой туһунан үтүө өйдөбүл үйэлэри уҥуордуо.
42