Page 48 - С.С. Аржаков Уус-Алдан үлэһит дьоно

Тандаҕа тэрийбитэ, олохтообута. Ол туһунан Саха биир биллэр
поэта Василий Саввин суруйбута:
Тайҕа быыһытган
бу өй-санаа
Биир киһи күүстээх
дьоҕуруттан,
Биир киһи килбиэннээх
үлэтитгэн
Күөрэйэн, дьэндэйэн, таҕыста,

Үрүҥ күҥҥэ
үрүлүйэ тардыста.
Кини аны
өлбөт үйэлэнии
Үрдүк кирилиэһигэр
ытынна.
Суон сураҕырыы,
албан аатырыы
Дьоллоох аартыгар
үктэннэ! - диэн.

Тандаҕа Иван Павлович балтынаан Еленалыын уонна кыра
сиэннэринээн Настялыын, Розалыын, Дунялыын олорбутта-
ра. Мин Тандаҕа таҕыстахпына Иван Павловичтаахха сылдь-
ан, хонон ааһарым.
Иван Павлович Готовцев бэйэтэ киһи быһыытынан сытыа-
ры, сымнаҕас, эйэҕэс, элбэҕи аахпыт-билбит, үрдүк культура-
лаах интеллигент киһи этэ. Кинини кытта кэпсэтэр наһаа чэп-
чэки, үчүгэй этэ. Ол курдук кэпсэтии икки өртүттэн буолара.
Киһи этиитин сүрдээҕин сэҥээрэн истэрэ. Бэл сөбүлээбэ-
тэҕинэ даҕаны биирдэ да туора тылы туттубат, куолаһын
даҕаны үрдэппэт тактичнай бөҕө, айылҕаттан бэриллибит на-
мыын педагог этэ.
Иван Павлович элбэх сыллаах, дириҥ ис хоһоонноох, киэҥ
кэскиллээх үлэтэ үрдүктүк сыаналаммыта. Ол курдук киниэхэ
РСФСР, Саха АССР оскуолаларын үтүөлээх учуутала, Саха
АССР культуратын үтүөлээх үлэһитэ диэн бочуоттаах аатгар
иҥэриллибиттэрэ. Үлэ Кыһыл Знамята орденынан уонна эл-
бэх медалларынан наҕараадаламмыта.
Иван Павловиһы кытта мин 40-н тахса сыл билсибитим.
Уус-Алдан оройуонугар үлэлиир сылларбар кини кэскиллээх
үлэтигэр тоҕоостоох кэмнэргэ куруутун көмөлөһөрүм. Музей
материальнай-техническай базатын бөҕөргөтүүгэ олохтоох со-
вет, колхоз салалтатын, оскуола, нэһилиэнньэ көмөтүн тэрий-
46