Page 47 - С.С. Аржаков Уус-Алдан үлэһит дьоно

20 тыһыынчаттан тахсыбыта. Ол барыта Дьокуускайдааҕы
киин национальнай архивка ууруллан сытар.
Революционердар кырдьаҕас гвардияларыттан
Е.Д. Стасованы кытга уһуннук суруйсубута, 126 суругу туп-
пута уонна Москваҕа тиийэн дьиэтигэр сылдьыбыта, сирэй
көрсүбүгэ, хаартыскаҕа бииргэ түспүтэ. Елена Дмитриевна
үлэлиир хоһугар Ленин уонна Сталин мэтириэггэрэ ыйанан
туралларын «Ити история, ону биһиги билиниэх тустаахпыт»,
- диэн Стасова быһааран биэрбит.
Иван Павлович социалистическай система аан дойдуга
кэҥээн иһэрин, онно биһиги дойдубут - ССРС интернацио-
нальнай оруолун көрдөрө сатаабыта. Ол иһин бары народнай,
демократическай, социалистическай государстволар салайаач-
чыларын, бырааттыы коммунистическай партиялар лидердэ-
рин кытта суруйсубута, фотокарточкаларын, араас кэмҥэ
эҕэрдэлэрин, махталларын ылаттаабыта.
Ыччаты кытта үлэҕэ музей саамай дьоһун суолталаах үлэти-
нэн дьону, ордук ыччаты патриотическай тыыҥҥа иитии буо-
ларын учуоттаан Иван Павлович улахан болҕомтотун Аҕа до-
йду улуу сэриитин көрдөрүүгэ уурара. Ол инниттэн кини Аҕа
дойду сэриитин полководецтарын Г.К. Жуковы,
К.К. Рокосовскайы, А.М. Васильевскайы,
Р.Я. Малиновскайы о.д.а. барыларын кытта суругунан си-
бээстэспитэ. Эмиэ фотографияларын, автографтарын, мему-
ардарын ылатгаан музейга туруорбута. Бу темаҕа, иккиһинэн,
Аҕа дойду сэриитигэр кыттыспыт бэйэтин биир дойдулаахта-
рын, Саха сирин Геройдарын хорсун быһыыларын киэҥник
көрдөрбүтэ. Онон Танда музейа историко-революционнай
уонна интернационально-патриотическай тосхолломмута.
Танда музейыгар күн аайы кэлэр суруктары тэҥҥэ тиһигин
быспакка делегациялар, биирдиилээн көрөөччүлэр кэлэ турар
буолбуттара.
Иван Павлович музейын комплексын кэҥэтии, бөҕөргөтүү
бэрээдэгинэн урут хаалан турбут Танда таҥаратын дьиэтин,
колокольнятын, часовнятын барытын музейга туһаммыта.
«Билиртэн» 8 кырыылаах бабаарынаны көһөрөн киллэртэрби-
тэ. Мас ураһаҕа, политссыльнайдар олорбут уонна Г.В. Егоров
дьиэлэригэр сонун ис хоһоонноох филиаллары аһыталаабыта.
Бу үлэ иккис өртүнэн историческай, архитектурнай памятник-
тары харыстааһын буолар.
Ити курдук отуттан тахса сыл, биир күн өрөбүлэ, сыннь-
алаҥа суох, дьиэ-уот, кэргэн, оҕо, уруу да тэриммэккэ үлэлээн,
ылбыт хамнаһын олорчу орускуоттаан туран Иван Павлович
киэҥ, дириҥ ис хоһоонноох баай экспонатгардаах музейы
45