Page 51 - С.С. Аржаков Уус-Алдан үлэһит дьоно

Николаевич Слепцов ааҕар диэтилэр. Онио өйдөөн көрбүтүм,
урукку хатыҥыр уол буолбатах, сүүрбэ алта саастаах эдэркээн,
кип-киэҥинэн арылыччы көрбүт, орүкүйбүт үрдүк прическа-
лаах үтүө сэбэрэлээх эдэркээн киһи кафедраҕа тахсан, саҥаран
барда. Кини: алдьархайдаах сэриини саҕалаан, Гиглер аан до-
йдуну атыйахтаах уу курдук аймаан, дьон-сэргэ олоҕун огдору-
тан, өлүүнү-сүтүүнү үөскэтэн, советскай норуоту кыһалҕа
бөҕөҕө киллэрэн баран, Кыһыл Армия геройдуу утарсыытын
уонна суоһарыылаах охсуутун тулуйбакка, сааттаахтык кыай-
таран эрэр, бэйэтин арҕаҕын диэки куотууга турунна. Онон
Советскай Союз кыраныыссата барьгга кэриэтэ босхолонно.
Бу советскай норуот историяҕа киирзр улуу кыайыыта буолуо.
Иккис фрону аһыах буолбут, арҕаа дойдуттан союзтаахтарбыт
Амсрика, Англия бааллара-суохтара соччо-бачча биллибэт.
Онон билиҥҥи кэмҥэ дьиҥнээх иккис фронт саллааттара
эһиги буолаҕыт: күн аайы фропт туһугар, кыайыы туһугар сы-
лайары билбэккэ, аччыктыыры, тоҥору аахсыбакка фермаҕа,
буолакка үлэлээччилэр - диэн ис хоһоонноох этиитин түмүктэ-
эбитин билиҥҥэ диэри өйдүүбүн. Заводтарга күннэри-түүннэ-
ри үлэлээн саллааттаҥнар таҥаһын уонна сэриилэһэр тэрилин
ыыта турбут рабочайдар, ходуһаҕа, хотоггҥо үлэлээн байыас-
тар аһылыктарын хааччыйбыт колхозтаахтар Аҕа дойду сэрии-
тигэр иккис фронт саллааттара буолаллар диэн этиини мин аан
маҥнай ити курдук Николай Николаевичтан истибитим. Лек-
ция кэнниттэн Николай Николаевич эдьиийим Палаша
биһигини көрүстэ. Хайдах үөрэнэрбитин ыйыталаста. Кыра
харчы биэрбитэ уонна салгыы үөрэнэргэ сүбэлээбитэ.
Онтон эр ыламмын буолуо, нөҥүө сылыгар Улуу Кыайыы
буолан, 7-с кылааһы бүтэрэммин эдьиийбинээн хаһыа да буо-
лан оройуон киинигэр Бороҕоҥҥо кыайыы ыһыаҕар киирди-
бит. Тандаттан төрүкү да киэһэ хойут турбут дьон сир ортоту-
гар «Халлаайы» - диэн сиргэ кур окко хоннубут. Онтон
оройуон киинигэр Николай Николаевичтаахха тиийдибит.
Кинилэр ханна олороллорун эдьиийим Палаша билэр эбит
этэ. Быыкайкаан дьиэҕэ Николай Николаевич кэргэнинээн
Лидия Антоновналыын уонна Надя диэн кыра кыыстарынаан
кып-кыараҕастык олороллор эбит. Ол үрдүнэн, биһиги дьон
тыаттан аччык бөҕө буолан, сыккыраһан кэлбиппитин, сүрдэ-
эх эйэҕэстик көрүстүлэр. Лидия Антоновна бэйэтэ оҕо враһа
этэ. Адьас кылгас кэм иһигэр сахалыы наһаа үчүгэйдик билэр,
кэпсэтэр буола охсубута. Бэйэтэ даҕаны, саха киһитин сөбүлэ-
эн кэргэн тахсыбыт буолан буолуо, биһиэхэ куруутун наһаа
үчүгэй сыһыаннааҕа.
Ыһыах иккис күнүгэр 7-с кылааһы бүтэрбиттэр слеттарын
кэннитгэн биһиги дьиэлиир буолбуппут. Николай Николаевич
4 Заказ 172 49