Page 54 - С.С. Аржаков Уус-Алдан үлэһит дьоно

та. Санаатыгар, нэһилиэгэр Түүлээххэ, төрөөбүт «Быһыт-
тааҕар», өтөҕөр тиийэ сылдьар былааннааҕа эбитэ буолуо...
Николай Николаевиһы мин Уус-Алдаҥҥа тахсыма, боппу-
руостара наһаа элбэх буолуо, дьиэлэрэ да тымныыта бэрт, кыс-
тыктара да ыарахан, атын чугас оройуоҥҥа барыаҥ этэ, - диэн
көрбүтүм да киһим ылымматаҕа. Хайдах эрэ наһаа өрүкүйбүт
көрүҥнээҕэ, ыалдьара сирэйигэр-хараҕыгар көстөргө дылы
этэ, туох да наһаа тиэтэйэн сылдьара, табаарыстара оонньоон
этэллэригэр диэри, харса суох күүһүнэн хааман «молотоктана-
ра».
Кини Уус-Алдаҥҥа тахсаары сылдьан: «Чэ, Уус-Алдаҥҥа
тахсар буоллум, таҕыстахха сатанар, онус пятилеткаҕа олус
куһаҕаннык үлэлээтилэр, тахсан тылы-өһү эттэххэ, иһитин-
нэрдэххэ сөп буолсу», - диэн эбэн эппитэ.
Ол курдук үлэ-хамнас туһугар, дойдутун, дьонун-сэргэтин
туһугар охсуһа сылдьан бу дойдуттан бараахтаабыта. Хор, он-
нук улахан патриот киһи этэ.
Николай Николаевич өлбүтүн истээт да мин, уолаттарын
Колялаах Володяны илдьэ Бороҕоҥҥо тахсаммын Райиспол-
ком дьиэтигэр похоронатын оҥотгорон, дойдутун, дьонун-
сэргэтин кытта бырастыылаһыннаран киирбиппит.
Николай Николаевич 17 сыл Правительство чилиэнэ этэ
уонна үлэлии сылдьан өлбүтэ, үлэлээбит сылларыгар үгүөтүн-
өҥөтүн учуоттаан, тиһэх суолугар Правительство дьиэтиттэн
таһаарыллыбыта. Республика оччотооҕу салайааччылара бары
кыттыыны ылбыттара. Николай Николаевич куорат кыла-
быыһатыгар кэргэнэ Лидия Антоновна аттыгар көмүллүбүтэ.
Николай Николаевич дьолу билбит таптыыр кэргэнин,
Доҕорун,
5 оҕотун ийэтин Лидия Антоновна көмүс уҥуоҕун тутары-
гар, бэйэтигэр анаан миэстэ ордорунан, биир күдьүс тимир
көрүөлээн эрдэ бэлэмнэппит этэ. Оннук бэйэ-бэйэлэригэр ди-
риҥ бэриниилээх дьон этилэр. Ол да иһин 17 сылы быһа 5
оҕотун соҕотоҕун көрөн-истэн ииттэҕэ, үөрэттэрдэҕэ, үлэһит-
тэр оҥордоҕо.
Оҕолоро бары этэҥҥэ үлэлии-хамсыы сылдьаллар. Били-
гин 7 сиэннэннэ.
Николай Николаевич 80 сааһын туолуутунан сибээстээн,
урут үлэлээбит тэрилтэтэ «Сахаполиграфиздат» национальнай
компаниятын коллектива, суруналыыстар, оҕолоро, доҕотторо
мустан, Бэчээт дьиэтигэр Николай Николаевич туһунан
өйдөбүнньүк күнүн сүрдээх истиҥник атаардыбыт. Бу киэҥ ис
хоһоонноох, иитэр суолталаах, кэскиллээх көрсүһүү. Николай
Николаевич туһунан үтүө өйдөбүл үгүс сылларга умнуоллуо
суоҕа!
52