Page 56 - С.С. Аржаков Уус-Алдан үлэһит дьоно

нигын аатын ылбыта. Онтон 1952 сыллаахха Саха АССР 30 сы-
лынан сибээстээн, Саха АССР народнай художнига буолар.
1958 сыллаахха РСФСР искусствотын үтүөлээх деятелинэн би-
линэллэр, оттон 1962 сыллаахха РСФСР народнай художнигы-
нан оҥоһуллар. Бэһис бочуоттаах званиетын - Репин аатынан
РСФСР государственнай бириэмийэтин лауреатын кэннэки
ылбыта. Дьэ, онон Т.В. Аммосов искусство биир салаатыгар,
муостан быһан оҥоруу улууканнаах маастара буолбута.
Мин муосчут Омуоһап туһунан 1949 сыллаахха, кини оҥор-
бут саахымата Сталиҥҥа 70 сааһыгар бэлэх ыытыллыбытыттан
ыла истэрим. Онтон Уус-Алдаҥҥа тахса сырыттаҕына эбэтэр
куоракка көрсөн ааһарбыт. Чугас соҕустук 1975 сыллаахха,
мин куоракка үлэлии киирбитим кэннэ, «Булгунньахтаах» ди-
эн ааттаах Терентий Васильевичтаах дачнай кооперативтары-
гар чилиэнинэн ылыллан, билсибитим. Табаарыһа
В.А. Босиков «Кыым» хаһыакка 1997 сыллаахха ойуулаабы-
тын курдук, орто уҥуохтаах, лэс курдук толору этгээх-сииннэ-
эх, сүрдээх эрчимнээх, үчүгэй күөл соботун килэҥ мууска бы-
рахпыт курдук лаһыгыраабыт, саҥарбыт-иҥэрбит, күлбүт-сал-
быт, үөрбүт-көппүт киһи киэнэ кэрэмэһэ этэ.
Даачатыгар нууччалыы улахан дьиэлээҕэ, часовня курдук
кыра эмиэ дьиэлээҕэ уонна сахалыы балаҕаннааҕа. Кыра дьиэ-
тигэр кыыһа аах олороллоро. Улахан дьиэтигэр бэйэтэ эмээх-
сининээн олорор быһыылаахтара да үксүн балаҕаннарыгар бу-
олаллара. Олбуорун ортотугар бөдөҥ баҕайы мастан оҥоһуллу-
бут саха сэргэтэ турара.
Терентий Васильевич сайынын үксүн даачатыгар олорон
үлэлиир буолбут этэ. Ол курдук улахан дьиэтигэр мин хаста да
шкатулка чочуйа олорорун көрбүтүм.
Терентий Васильевич айар нэһилиэстибэтэ олус интэ-
риэһинэй, оҥоһуктара наһаа ювелирнайдар, нарын, намчы
этилэр. Маастар декоративнай шкатулкаларын, бырааһыннь-
ыкка тутуллар чорооннорун кытга сэргэ эҥин дьэрэкээн ойуу
түспүт уктардаах саха быһахтара, хамсалара, подсигардара ба-
аллара. Кини олоҕун усталаах-туоратыгар саахымат 10 компле-
гын оҥорбут. Онно саахымат фигураларын Саха героическай
эпоһыгар олоҕуран оҥортообут.
1948 сылтан саҕалаан Терентий Васильевич Саха худож-
никтарын айымньыларын быыстапкаларын бастайааннай
кыттааччытынан буолбута. Кини Бүтүн Союзтааҕы, Бүтүн
Россиятааҕы быыстапкаларга элбэх үлэлэринэн кыттыбыта.
Маастар сорох үлэлэрэ Чехословакияҕа, Венгрияҕа, Румы-
нияҕа, МНР-га, Канадаҕа буолуталаабыт советскай искусство
быыстапкаларыгар туруоруллубутгара.
Кэнники үлэлэриттэн биирдэстэрэ - алмаастаах чорооно
54