Page 53 - С.С. Аржаков Уус-Алдан үлэһит дьоно

Уус-Алданнар Бороҕоннорун туруорсубуттара. Николай Ни-
колаевич Уус-Алдан да, Нам да делегатгарын үгүстэрин сирэй
билэттиирэ. Элбэх кэпсэтиини ыыппыта. Ол да буоллар Уус-
Алданнар боппуруоһу бу конференцияҕа куоластааһыҥҥа
киллэрэ сылдьыбыттара. Конференция түмүгэр, миигин бас-
такы секретарынан талыллыбыппынан сүрдээх истиҥник
эҕэрдэлээбитэ уонна үлэлииргэ ыарахан оройуон былааннаах
буолан баран чэ, кытаат, диэбитэ.
1975-80 сылларга Николай Николаевич биһиги аны иккиэн
Саха республикатын правительствотын чилиэннэрин
быһыытынан бииргэ үлэлиир буолбуппут. Кини Бэчээт уонна
полиграфия государственнай комитетын председателинэн
үлэлиирэ. Оттон миигин республикаҕа материальнай-техни-
ческай хааччыйыы государственнай комитетын председатели-
нэн оҥорбуттара.
Правительство мунньаҕар үксүгэр кэккэлэһэ олорорбут,
сүбэлэһэрбит. Күннээҕи үлэбитигэр көмөлөсүһэрбит.
Николай Николаевич наһаа элбэҕи аахпыт, киэҥ билиилэ-
эх-көрүүлээх улахан эрудит, дьиҥнээх интеллектуал киһи этэ.
Этэргэ диэри кини истибэтэх, билбэтэх темата, предметэ
суоҕун курдуга. Ол бэйэтэ айылҕатган улахан дьоҕурдаах киһи
аахпытын-билбитин, үлэтинэн эмиэ сыһыаннаах буолан уһун
сылларга сыныйан дьарыктаммытын түмүгэ этэ. Комсомол
райкомун секретара, Партия Райкомун пропагандаҕа уонна
агитацияҕа отдслын сэбиэдиссийэ, обкомол идеологияҕа сек-
ретара, ССКП обкомун бэчээккэ секторын сэбиэдиссэйэ, рес-
публика Бэчээккэ государственнай комитетын председателэ.
Николай Николаевич үлэтинэн, интириэһинэн, бэйэтин
билии-көрүү өртүнэн даҕаны Н.Е. Мординовы (Амма Аччы-
гыйын), профессордар А.Е. Мординовы, Г.П. Башарины,
И.М. Романовы уонна И.И. Михайловы кытта ордук табаа-
рыстаһара. Кинилэргэ үрдүк сыанабылы биэрэрин истэрим.
Николай Николасвич саха киһитэ буолан, сааһыран ис-
тэҕин аайы дойдутун, дьонун-сэргэтин ахтара-саныыра
күүһүрэн испитэ. Алта уонча сааһыгар чугаһыыта, ордук өлүөн
аҕай иннинэ төрөөбүт Түүлээҕин нэһилиэгин, «Ситим-
нэһиитин», Быһыттаахха турар өтөҕүн сотору-сотору ахтар бу-
олбута. Пенсияҕа баран, тыаҕа тахсан олохсуйбут киһи баар
ини диирэ...
Ол баҕата биллэн турар, кыаллыбатаҕа буолан баран, Нико-
лай Николаевич дойдутугар, Уус-Алдаҥҥа 1980 сыллаахха тох-
сунньу ыйга командировкаҕа тахса сылдьан Бороҕоҥҥо
өлбүтэ, 62 эрэ сааһыгар. Кини Саха республикатын Прави-
тельствотын чилиэнин быһыытынан Уус-Алдаҥҥа Правитель-
ство 1979 сыллааҕы отчуотун нэһилиэнньэҕэ туруора тахсыбы-
4* 51