Page 72 - С.С. Аржаков Уус-Алдан үлэһит дьоно

Суоппар М эхээлэ
(сэрии, үлэ ветерана М .Н . Охлопков)

- Мэхээлэ иһэр, командир иһэр, билигин кэлэн быһаарыа,
аны бу тыаны хайдах барарбытын - дэһэн кэпсэтэллэр, Танда
сиригэр Чаҥхан үрэҕэр куобахтыы сылдьар уолаттар уонна
оҕонньоттор. Кырдьык даҕаны сүүрбэччэ саастаах сүүрбүт-
көппүт уолаттары кытта аҕыс уонча саастаах Василий Про-
копьевич оҕонньорго тиийэ сыл аайы отутча киһи аҕыйах хо-
нукка манна мустан ылааччылар. Мэхээлэ бэйэтэ даҕаны, төһө
да сааһырдар, бэрт чэпчэкитик туттар, сэргэх сэбэрэлээх киһи.
Кини бу Чаҥхан үрэҕин наһаа билэр дойдута, кэргэнэ Надеж-
да Николаевна төрөөбүт сирэ, өтөҕө манна баар уонна оттон
бэйэтэ Мэхээлэ сааһын тухары кустаабыт, оннооҕор элбэхтик
куобахтаабыт сирэ. Онон тыатын, уутун, отун-маһын бэл бул-
дун сиидэ курдук көрөн билэ сылдьар киһи. Ол иһин күрэтии-
гэ да, кэрийиигэ да куруутун кэриэтэ бэйэтэ бастыҥалаан
киэҥ сиринэн тэлэһийэн кэлэр. Оттон тыа саҕатыгар
саҕалааһын саамай кырдьаҕаспыт Василий Прокопьевич
эбээһинэһэ.
Мин Чаҥхаҥҥа суоппарбынаан Николай Маркович Ива-
новтуун Мэхээлэ этэрээтигэр киирэн уонча сыл куобахтас-
пыппыт. Куобах мэнээҕэ сыллар буолан куобаҕа бөдөҥө,
үчүгэйэ. Сүрдээҕин бултуйарбыт, дуоһуйарбыт, наһаа үчүгэй-
дик сынньанарбыт.
Мэхээлэ бэйэтэ булка дьиҥнээх командир, сааһын тухары
үлэҕэ, сэриигэ эмиэ командир, сержант, чэ, ол туһунан
арыыйда кэннэки кэпсиэхпит.
70