Page 80 - С.С. Аржаков Уус-Алдан үлэһит дьоно

сылларга советскай - партийнай үлэһит, (баар-суох табаа-
рыһым этэ), Иннокентий Ильич бу дойдуга билигин суохтар.
Онон иккиэйэх хаалбыт курдукпут.
Илья Ильич наһаа үчүгэй майгылаах, үксүн үөрэн, күлэн
мытырыйа сылдьааччы. Ордук кус, куобах булдугар сүргэтэ
көтөҕүллээччи. Ол курдук куобахха Чаҥхаҥҥа эмиэ хаста да
тахса сылдьыбыта. Куска биирдэ Орто Халымаҕа Сылгы
Ыытарга табаарыһа Социалистическай Үлэ Геройа Иван Ва-
сильевич Волковка тиийэ сылдьыбыппыт. Үс хоммуппут. Он-
но биллэн турар, Иван Васильевиһы, кини оҕолорун, аймахта-
рын кытга ытыыга тэҥнэһии суоҕа буолан баран, үчүгэйдик
бултуйбуппут.
Илья Ильич уонна Иван Васильевич түөрт сылы быһа депу-
тат буоланнар, Москваҕа мунньахтарга бииргэ сылдьыбыт та-
баарыстыылар. Уруккуларын-хойуккуларын ахтыһан-санаһан
биэрбиттэрэ, киэһэ аайы “Подмосковные вечера” диэн ырыа-
ларын ыллыыллара. Илья Ильич ырыаһытынан убайыгар Ни-
колай Ильичка тиийбэт да соҕус да буоллар, ыллыырын эмиэ
сүрдээҕин сөбүлээччи.
Илья Ильич ыраата да сылдьан табаарыстарын, доҕоггорун
умнааччыта суох. Москваттан 1982 сыллаахха ахсынньы 21
күнүгэр ыыппыт открытката миэхэ уурулла сытар. Онно суруй-
бут:

Убаастабыллаах Степан Степанович,
Раиса Максимовна!
Бу үөрүүлээх күҥҥэ, советскай норуот араас омуктарын
кытта, ССРС 60 сааһын туолуутугар аналлаах, үөрүүлээх
мунньахха Болгария Компартиятын генеральнай секретара То-
дор Живков тыл этэрин истэ олорон, эһигини кэлэн иһэр Саҥа
дьылынан ис сүрэхпиттэн эҕэрдэлиибин уонна бары үчүгэйи
баҕарабын!
Илья.
Москва куорат. Кремль. Съездтэр дыбарыастара.
Илья Ильич ыал аҕата, эһэтэ. Кэргэнэ Рита - врач. Уола,
кийиитэ үлэһитгэр. Сиэнэ кыыс Яна үөрэх киһитэ, Антошка -
детсад тойоно. Илья үлэтигэр эдэр летчиктары Антошкаҕа тре-
нажерга үөрэтэр, дьиэтигэр сиэнэ Антошкалыын эрийсэр.

78