Page 84 - С.С. Аржаков Уус-Алдан үлэһит дьоно

Дьон киһитэ

Бу очерканы биэс уонтан тахса сыл билэр, онтон 40 сылы-
гар табаарыстаһан, бииргэ үлэлээн кэлбит, хайа баҕарар үлэни
үтүө суобастаахтык толорор, доҕорум Николай Маркович Ива-
нов туһунан суруйан эрэбин.
Коля эмиэ сэрии сылын оҕото. Улуу сэрии саҕаланыытыгар
15-гэр сылдьар уол тыыл кыһалҕатын барытын билбитэ. Дой-
дутугар Өнөргө колхозка хонуу бары үлэтин толороро, сут сыл-
га көһөн отгооһун амтанын эмиэ амсайбыта.
Сэрии уһаан, тиһэх байыаннай ыҥырыыга түбэһэн, ар-
мияҕа ыҥырыллан Илиҥҥи фронт саллаата буолбута. Бэйэтэ
да кутуу курдук доруобай киһини, онно эбии сытыы-хотуу сал-
лааты сибээс отделениетыгар ылаллар. Онтон күлэ-оонньуу
сылдьар уолу комсорг оҥороллор.
Кини туһугар илин сэрии түргэн үлүгэрдик бүтэн, Коля дой-
дутугар төннөн кэлэр. Аҕата Марка оҕонньор, уруккута баста-
кы колхозтары тэрийбит, колхоз, совет председателинэн үлэ-
лээбит Саҥа олоҕу айабыт - диэн бастакы сахалыы сурунаалга
суруллубут коммунист уолун үөрэттэриэн баҕарбыта да, Коля,
удьуор үлэһит муҥутаан, үлэ көрдүү оройуон киинигэр киирэр.
Оччотооҕуга ыччат ортотугар киинэ оруола олус үрдүгэ.
Мээнэҕэ даҕаны Ленин искусстволартан саамай суолталаахта-
ра киинэ буолар - диэн этиэ дуо. Дьокуускайга киномеханик-
тар үөрэхтэрин бүтэрэн дойдутугар Уус-Алдаҥҥа киноперед-
вижка механига буолан, оччотооҕу узкопленочнай аппарааты-
нан, оройуонун бүтүннүү кэрийэр. Ол икки ардыгар реммастер
82