Page 77 - С.С. Аржаков Уус-Алдан үлэһит дьоно

лииригэр кэлэр-барар дьону бэрээдэккэ, этиллибит кэмҥэ чу-
олкайдык баар буоларга үөрэппитэ. Ол иһин дьон-сэргэ Мэхэ-
элэ суоппарга наһаа махтаналлара.
Дьэ ити Мэхээлэ курдук оройуоҥҥа отут сыл эҥкилэ суох
уопсай дьыала, дьон туһугар ис дууһатытган бэриниилээхтик
үлэлээбит суоппар баарын мин билбэппин. Республикаҕа да
баарыгар саарбахтыыбын. Ол да иһин кини үлэтэ үрдүктүк
сыаналаммыта.
1971 сыллаахха VIII пятилетка түмүгүнэн суоппар Мэхээлэ
Үлэ Кыһыл Знамята орденынан, Ленин төрөөбүтэ 100 сылын
бэлиэтээн «Килбиэннээх үлэтин иһин», «Үлэ ветерана» о.д.а.
медалларынан наҕараадаламмыта. Республика тыатын хаһаа-
йыстыбатын министерствотын Үлэҕэ албан аатын Бочуотун
кинигэтигэр киллэриллибитэ.
28-с уобаластааҕы партийнай конференциянан Партия Са-
ха уобаластааҕы комитетын чилиэнигэр кандидатынан, Райсо-
вет, сельсовет хас да ыҥырыылаах быыбардарыгар депутаты-
нан талыллыбыта.
Михаил Николаевич 8 оҕо аҕата, 26 сиэн эһэтэ.
50 сылы быһа наһаа эйэлээхтик, эн-мин дэһэн, хардарыта
өйөһөн олорбут кэргэнэ Надежда Николаевна өлбүтэ үс сыла
буолла. Мэхээлэҕэ, биллэн турар, ыарахан, тулаайахсыйда. Ол
гынан баран бары ыал буолбут оҕолоро, кыра сиэннэрэ ыҥыра
олороллор. Ол аайы оҕонньор туох эрэ кыра кэһии сыыһа ту-
туурдаах сиэннэрин диэки хааман лэппэҥниир. Төһө да 80
сааһын туолара чугаһаан истэр сэрии, үлэ ветерана Михаил
Николаевич Охлопков өссө да олох иһин охсуһа, сүһүөҕүн
үрдүгэр үөрэ-көтө сылдьар.

75