Page 82 - С.С. Аржаков Уус-Алдан үлэһит дьоно

сылларга куска-куобахха бииргэ бултаан, байанай үөрүүтүн-
көтүүтүн эмиэ тэҥҥэ үллэстибиппит.
Бииргэ үлэлээбэтэхпит диэххэ сөп. Кини мин Уус-Алдан
оройуонугар үлэлии кэлэрбин кытта сотору сааһынан пен-
сияҕа тахсан хаалбыта. Ол оннугар биһиги кинилиин общес-
твеннай үлэҕэ өр сылларга бииргэ үлэлээбиппит. Кини
кырдьаҕас коммунист уонна сэрии, үлэ ветераннарын
оройуоннааҕы советын председателин быһыытынан актив-
найдык үлэлэспитэ. Ордук комсомоллары кытта үлэлэһэрэ.
Кэнникинэн кинитэ суох комсомоллар тугу да оҥорбот курдук
буолтара. Тоҕоостоох кэмнэргэ, сороҕор телефонунан
болдьоһон, сороҕор сурук суруйан ССКП райкомугар, миэхэ
райком бастакы секретарыгар анаан-минээн кэккэ боппуруос-
тардаах кэлэн кэпсэтэн, санаатын этэн барара. Биһиги эмиэ
Василий Прокопьевиһы кырдьаҕас коммунист быһыытынан
ыҥыран оройуоҥҥа ыытыллар улахан мунньахтарга, сүбэлэр-
гэ кытыннарарбыт. Онтон сүргэтэ көтөҕүллэрэ. Ол үлэҕэ
көмөлөөх буолара.
Василий Прокопьевич миигин кытга командировкаҕа Тан-
даҕа барсарын наһаа сөбүлүүрэ. Төрөөбүт дойдутун, үлэлээбит
колхоһун дьонун кытта кэпсэтэриттэн, сирин-уотун
көрөрүттэн үөрэрэ-көтөрө. Биһиги сыл аайы кэриэтэ сайын
окко, күһүн кыстыкка киириини көрө, тэрийсэ бииргэ сыл-
дьарбыт. Онно кини дьонугар-сэргэтигэр үгүс сүбэлэри биэрэ-
рэ, сороҕор сэмэлиирэ даҕаны.
Василий Прокопьевич омос көрдөххө олус аҕыйах саҥа-
лаах, дьиппиэн киһи этэ. Ол гынан баран сааһыран истэҕин
аайы амараҕар түһэн, күлэ-үөрэ сылдьар, эдэри кытга эдэр,
эмэни кытта эмэн буолбута.
Кини ордук бултуурун сөбүлүүрэ. Күһүн куобахха, кыһын
муҥхаҕа, күһүн -саас куска дойдутугар аатгаах атаһыгар Мэ-
хээлэ Охлопковка тахсара. Ол сылдьан наар Тандатын айыл-
ҕатын таптыыра, хайгыыра. Олортон аҕыйах холобуру аҕын-
нахха:
Биир саас Тандатган 7 биэрэстэлээх сиргэ куска сытгыбыт.
Тымныы, тыаллаах саас буолта. Кус олох хойукка диэри бил-
либэтэҕэ. Биһиги быйыл саас куһу харахпытыгар да көрбөт
дьон буоллубут - дэһиспиппитигэр, оҕонньорбут туран:
- Аан дойдуга аҕыйах кус ордубут буоллаҕына, Танда үрэҕэр
хайаан да биллиэҕэ -диэтэҕэ үһү.
1962 сыл күһүнүгэр эбитэ үһү. Танда үрэх үөһэ өртүгэр Ва-
силий Прокопьевич өтөҕүттэн чугас ойуурга бултаабытгар.
Онтон биир бэйэ куобаҕы өлөрөн баран оҕонньордоро дьону-
гар көрдөрө-көрдөрө эппит:
- Танда куобаҕа барахсан Курбуһах икки куобаҕар барбат -
80