Page 86 - С.С. Аржаков Уус-Алдан үлэһит дьоно

сааһыгар бардар, президент гараһыгар массыыналары саппаас
чааһынан хааччыйааччы. Онон Николай Маркович 60 сыл үлэ
стажтаах, сэрии, үлэ ветерана.
Николай Маркович Тамбов уобалаһын кыыһын Валенти-
наны кэргэн ылбыта биэс уонча сыла буолан эрэр. Икки уол-
лаахтар, биир кыыстаахтар, 7 сиэннээхтэр. Оҕолор, кийиит-
тэр, күтүөт бары үөрэхтээхтэр, үлэһиггэр, сиэннэр бары кэ-
риэтэ үөрэнээччилэр.
Николай дьиэҕэ-уокка, урутбаҕас, сылдьар ыалдьыт, хонор
хоноһо этэ. Ол барыта үлэтгэн сибээстээҕэ. Мин биир ахтыы-
бар этэн ааспытым курдук, куруутун бириэмэ эккирэтиитэ
буолара. Биһиги Уус-Алдан оройуона уһуннук колхозтарынан
олорбут буоламмыт уонна сүнньүнэн тыа хаһаайыстыбатынан
дьарыктанарбытынан командировкаҕа мин үксүн пятницаҕа,
субуотаҕа, баскыһыанньаҕа тахсарым. Ол былаһын тухары
колхозтар, совхоз фермаларын иигин-сааҕын илдьи кэһэн
үлэһиттэри кытта үлэлии сырытгахтарына көрсөрбүт, үлэ-хам-
нас туһунан туоһута суох сирэй-харах кэпсэтэрбит. Отчуттары
ходуһаҕа буларбыт. Ардах, тымныы диэн биһиги үлэбитигэр
тохтобул суоҕа. Күһүнүн үлэһиттэри көрсөн миэстэтигэр кэп-
сэтэн баран, киэһэ кэлэн бөһүөлэктэргэ нэһилиэнньэни
мунньан мунньахтыырбыт, онтон киэһэ хойут актыыбы хаал-
ларан үлэ-хамнас туһунан салгыы кэпсэтэрбит, былаанныыр-
быт, быһаарсарбыт. Хорчоххой да соҕус кэпсэтиилэр эмиэ
буолаллара.
Уонунан сылларга итинник сындааһыннаах сырыыларга
Николай Маркович оҕо ыарыйда, массыына алдьанна эҥин
диэн утары тылы эппитин биирдэ да истибэтэҕим. Ол курдук
үлэҕэ муҥура суох бэриниилээх үлэһит киһи. Кини биһиги
төһөлөөх бадарааны, күһүҥҥү-сааскы хоҥураҕы Уус-Алдан
сиригэр кэстэрбиппитин ким билиэ, этиэ баарай.
Бу суруйа олорон биир түбэлтэни өйдөөн кэллим. Арай
биирдэ, сааһыары этэ. Тулуна ферматыгар Розалия Троевалаах
үлэлиир элбэх уһун хотоннорун биригэдьиир Ганя Колесов-
тыын кэрийэ сырыттыбыт. Үлэһиттэри кытга балачча өр кэп-
сэттибит, кэккэ боппуруостары быһаарыстыбыт. Онтон тахсан
көрбүтүм, массыынам суох. Маарыын киирбит ааммытыгар
турар. Көстөр соҕус сиргэ төннөн кэлэн манна кэл - диэн
ыҥыран далбаатаан, хаһыытаан көрдүбүт да киһибит истибэт.
Онтон кэлэн илин өстүөкүлэ нөҥүө өҥөйөн көрбүтүм, Ньуку-
лайым уруулун кууспутунан утуйуу бөҕөнү утуйан-морбойон
олорор эбит. Күүтэ сатаан баран, сылайан, утуйан хаалаахтаа-
таҕа дии. Итинник күүрээннээх үлэҕэ сүрэх баҕатынан, сору-
нуу күүһүнэн, эдэр сааспыт эрчиминэн сылдьыбыт буолуох-
таахпыт.
84