Page 128 - С.С.Аржаков, Н.Н.Петров. Военное лихолетье

гэр дьон хортуоппуйунан үссэнэн тоттук олоорторо. Былыргыны былыт саппыт
диибит. Маннык, сэрии ыар сылларыгар аас-туор олохпутугар көмөлөспүт дьон-
норбутун билигин үйэбит кылгаабыт кырдьаҕастар ыччаттарбытыгар кэпсиэхпи-
тин наада. Евдокия Уйбааныттан төрөппүт кыыһа Мария Ивановна I Дьокуускайга
олорор, музыкант, Саха Республикатын үтүөлээх үлэһитэ кыыстаах.
Аны, өссө биир, ол саҕанааҕы кыыһы саныыбын. Уу суолун үлэһитэ Янкова
Мария Егоровна куобах тириитинэн тарбахтаах үтүлүк, бэргэһэ тигэн биэрэрин
өйдүүбүн. Барахсаныҥ сэриигэ кыргыһа сылдьар саллааттарга кэһиитэ буолаахтаа-
таҕа. Итии таҥас, бородуукта хомуура кинини эмиэ тумнубатаҕа.
Киһи барыта фроҥҥа көмөлөһө сатыыра. 1943 сыллаахха “Ленин үөрэҕэ” кол-
хоз председателэ И.Ф. Петров 25 тыһ. солк., В.А. Семенов (Күүстээх Бааска) 50
тыһ. солк. оборона фондугар укпуттара.
Ити курдук, Ньурба дьоно-сэргэтэ кыайыы иһин төһө кыахтара тиийэринэн
кыттыбыттара, ыраах тыылга да сырытталлар, санаалара наар фронт диэки этэ.
Дьоммут хайдах сылдьаллар, хаһан кэлэллэр диэн, кинилэр оннуларыгар күүстээх
үлэ үөһүгэр сылдьыбыттара.
Иван МАКСИМОВ,
Ньурба

КЭРГЭННИИ МЫРЕЕВТАР

Аҕа дойду Улуу сэриитин кыттыылаахтара, тыыл, үлэ ветераннара Екатерина Ва-
сильевна, Иван Алексеевич Мыреевтар Ленскэй оройуонун Бэчинчэтигэр эрэ буол-
бакка, Саха сиригэр биллэр үтүө ыаллар этилэр. Кинилэр Наахара нэһилиэгэр Бэ-
чинчэҕэ “Коммунар” колхоһу тэрийбиттэрэ уонна олохторун устата тыа хаһаайысты-
батын сайыннаран күүстэрин, билиилэрин биэрэн үлэлээбиттэрэ. 8 оҕону төрөтөн
атахтарыгар туруорбутгара, норуот хаһаайыстыбатын уонна культуратын специалис-
тара буолалларыгар кыах биэрбитгэрэ. Екатерина Васильевна тапталлаах ийэ, хос,
хос-хос эбэ, сытыы сырыылаах хоһуун үлэһит этэ. Бастыҥ ыанньыксыт, ферма салай-
ааччыта, колхоз председателин солбуйааччы буолан олохтоохторго көмөлөһөн астын-
нарара. Тэрийэр дьоҕурдааҕа. Сэрии сылларыгар кини көмөтүнэн колхоз сүөсүһүтгэ-
рэ элбэх тонна үрүҥ илгэни ылан, кыайыы фондатыгар туттараллара. Үрдүк
көрдөрүүтүн иһин стахановец буолбута. Сэрии саҕаланарыгар колхоз мунньаҕар туох
баар кыаҕы туһанан, таһаарыылаахтык үлэлиэххэ диэн ыҥырыы таһаарбыта. Ол кэн-
ниттэн Бөтөкө өтөҕүн бытырыыс курдук кыра кыргыттар, аан бастаан хотуур тутан
охсубуттара, оттообуттара.
Дьахталлар биригээдэлэргэ киирэн от охсоллоро, кэбиһэллэрэ. Куоталаһыы
ыытыллара. Ол туһунан Таиса ахтара: “Мин 13 саастаахпар онтон хаалсыбатаҕым,
балыстарбынаан от үлэтин бары көрүҥэр кыттарбыт, — диэн. — Аһылыкпыт күҥҥэ
200 грамм халаачык, үүт, уу... Сарсыарда сииктээх оту кэһэн ходуһаҕа тиийэрбит,
кумаар, бырдах сиэтэлээн нэһиилэ сылдьарбыт. Киэһэ атахпыт тумса көстүбэт
буолуор диэри үлэлээн баран биэс биэрэстэлээх сири хааман утуйар сирбитин
буларбыт. Ийэм ынах ферматыттан ураты хас да сыл кыстыыр сылгылары көрөн
аһатара. Соҕотоҕун күн аайы үс сыарҕа оту тоҥуу хаары оймоон, күрүөлээх от
хаарын түһэрэн, киэһэ быста сылайан оһох иннигэр нүксүччү түһэн олорорун
олус да аһынарым”. Ити курдук күүстээх үлэ түмүгэр колхоз оборона фондатыгар
былаанын толороро, эти, үүтү, бурдугу туттарара.
Аҕалара Иван Алексеевич Мыреев кылааннаах түүлээх булдугар идэтийбитэ.
Ис киирбэх, бөҕө-таҕа көрүҥнээх, сымнаҕас майгылаах оҕонньор этэ. Сааһынан
фроҥҥа ыҥырыллыбатаҕа. Кэргэнинээн эйэ дэмнээхтик, бэйэ-бэйэлэрин өйөһөн,
35 сыл бииргэ олорбуттара.

126