Page 133 - С.С.Аржаков, Н.Н.Петров. Военное лихолетье

саха норуотун алдьархайа буолбута. Бу иэдээн бүгүн үйэлэр тухары саха аймах өйүтгэн-
санаатыттан умнуллубат, ааһан-арахсан биэрбэт сүрэх-быар бааһа буолан хаалыа.
Е. АНДРОСОВ,
сэрии, үлэ ветерана, кыраайы үөрэтээччи

УБАЙЫМ КӨМҮС УНУОҔУП БУЛЛУМ
Степан Степанович Аржаков “Ветеран” хаһыакка уоттаах сэрии толоонугар
охтубут саллааттар ааттарын төһө сатанарынан чуолкайдыахха, онуоха хас биир-
дии ыалынан, аймахтарынан буойуннар ааттарын үйэтитии үлэтин күүскэ ыыты-
ахха диэн суруйбутун сөбүлээн аахтым. Үйэтитии — хас биирдиибит ытык иэспит.
Былыргы хаартыскалартан, кырдьаҕас дьонтон туоһулаһан, архыыптарга суруйан
син хомуйуохха сөп. Холобура, Амма оройуонун Амма-Наахара нэһилиэгин 7 кы-
лаастаах оскуолатын үөрэнээччилэрин 1938 с. уопсай хаартыскалара баар, онно
үксэ уолаттар эбит. Балар үгүстэрэ сэрии толоонугар оҕуннахтара. Дьэ, бу докумуон,
ону чуолкайдыахха эрэ наада.
Сэрии кэмигэр дьонум өлөн, сэриигэ охтубут учуутал убайым Леонтьев Илья
Николаевич туһунан тугу да билбэт этим. Үлэһит буолан баран, убайым аатын
үйэтитэр инниттэн, төһө өйүм-санаам тобуларынан, докумуон хомуйсан барбы-
тым. Убайбын өйдүүр билигин мин эрэ хааллым. Бастаан Московскай уобалас
Подольскай куоратыгар ССРС оборонатын министерствотын архыыбыгар ирдэ-
һэн суруйан, убайым 348 стрелковай Бобруйскай Кыһыл Знамялаах, Кутузов И-с
степеннээх уордьаннаах дивизиятыгар сылдьыбытын уонна Орел куорат таһыгар
Тростниково дэриэбинэҕэ братскай могилаҕа көмүс уҥуоҕа сытарын туһунан бил-
битим. Ону баран кэриэстээн кэлбитим.
Москваҕа байыаннай музейга сылдьан, 348 стрелковай дивизия знамятын көрөн
сүгүрүйэн турбутум. Кыайыы 40 сылыгар убайдарбар Илья Николаевичка, Петр Ионо-
вичка анаан, уолатгарым армияҕа сырыттахтарына, дьиэбэр фотостендэ оҥорбутум.
Кыайыы 50, 55 сылларыгар хомуйбут хаартыскаларбынан, докумуоннарынан икки
убайбар, аҕабар анаммыт альбом оҥорбутум. Кинилэр тустарынан хаһыат ыстатыйа-
тын, дьон ахтыытын, кинигэлэри муспутум. Саамай күндү өйдөбүлбүнэн убайым
Илья Николаевич сулууспалаабыт 348 стрелковай дивизиятын значогун Москваҕа
“Совет ветеранов 348 дивизии” штаба бэлэхтээбитэ буолар. 27 сааһыгар сэриигэ охту-
бут убайым өйдөбүлэ ол значок эрэ баар. Кэргэнэ да, оҕото да суох. Ийэ дойдутун
иннигэр олоҕун толук уурбута, ону сорох ыччат билигин өйдөөбөтө хомолтолоох.
Сүрэҕим баҕатынан сельхозтехникуму бүтэрбит Окороков Григорий Михайлович
диэн Харьков куоракка охтубут Амма оҕотун туһунан докумуону хомуйан Харьков-
тан, Москваттан аҕалан, Ярославскай аатынан, сельхозтехникум, Амма музейдары-
гар биэрбитим, аймахтарыгар альбом ыыппытым. Харьков куоракка байыаннай кы-
лабыыһаҕа Окороков Г.М. уҥуоҕа көмүллэ сытарын кэриэстээбитим. Дьон уҥуохта-
ра бары тыыннаах сибэккилээх этилэр. Кылабыыһаларын наһаа көрөллөр-харайал-
лар эбит этэ. Окороков Г.М. аатынан уулусса устун хаампытым. Уулусса барыта
яблоня сибэккилээн турара киһи санаатын көтөҕөрө. Бу эмиэ үйэтитии буолар. Онон
Кыайыы 60 сылыгар ким да аата умнуллубакка, кыһыл көмүс суругунан сурулларын
туһугар, үчүгэйдик ылсан үлэлиэххэ наада. Бу биһиги бүгүҥҥү олохпут иһин охту-
бут саллааттар тыыннаахпыт тухары сүрэхпитигэр оспот баас буолан сылдьаллар.
Елена ЛЕОНТЬЕВА, Дьокуускай

9*
131