Page 136 - С.С.Аржаков, Н.Н.Петров. Военное лихолетье

нэрээт суруйтаран ийэбэр иистэнэр массыынаны бэлэхтээбитэ. Билигин ол төрөп-
пүттэрим хамсаабат баайдара, өлбөт өйдөбүнньүктэрэ...
Олох олоруу уустук, эриэ-дэхси буолбатах. Кыайыы 45 сылыгар Ытык Иль-
меҥҥэ оройуонтан делегация барбыта, онно Ильмень күөл кыргыһыытыгар ата-
ҕар бааһырыылаах Кузьмин Елиферий Васильевич уонна мин аҕам ыҥырыллыба-
тахтара. Хом санаахтыыллара.
Билигин сааһырбыт киһи, мин, аймахтарым ааттарыттан аҕабыт киэн туттар
тэрилтэтин — Сунтаар лесхоһун директорыгар А.Н. Индеевкэ, кылаабынай лесни-
чэйгэ Р.Н. Алексееваҕа И.П. Ивановка, В.Н. Спировка, лесхоз ветераннарыгар
М.Г. Казаковаҕа, М.С. Гаврильеваҕа, Р.А. Евсееваҕа, М.П. Семеноваҕа, кэргэннии
Л.И. уонна Г.Г. Федотовтарга аҕам туһунан үтүө өйдөбүлү илдьэ сылдьалларыгар
махтанабын, бары үтүөнү баҕарабын.
Саргылана НИКОЛАЕВА, Сунтаар

АҔАМ РОТА КОМАНДИРА ЭТЭ
Мин аҕам Попов Игнатий Николаевич 1898 с. сэтинньи 22 күнүгэр Хочо улуу-
һугар II Дьаархан нэһилиэгэр орто бааһынай Тихонов Антон Семенович дьиэ кэр-
гэнигэр төрөөбүтэ. Тихонов уон оҕолоох этэ, онон икки оҕотун ыалларга ииттэрэ
биэрбитэ. Мин аҕабын Хочо улууһун кулубата Попов Николай Алексеевич ылбыт.
Аҕам 1915 с. Иркутскайга горнотехническэй училищеҕа үөрэнэ киирбит. Сти-
пендия диэн суох буолан ииппит аҕатыттан көрдөөбүтүн, “төттөрү кэл” диэн буолбут.
Онтон төрөппүт аҕата биирдэ 50 солк. ыыппыт. Иркутскайга үөрэнэр саха уолат-
тара Иван Винокуров, Алексей Иванов-Күндэ, Василий Новгородов-Чинэкэ (кэ-
лин репрессияҕа түбэһэн ытыллыбыта) аҕабар харчынан көмөлөспүттэр уонна үөрэх-
хин салҕаа диэн сүбэлээбиттэр. Ити уолаттар бары да ыар дьылҕаламмыттара. Аҕам
быыбардыыр бырааба быһыллан, үлэтиттэн уһуллан, үтүөх-батаах сылдьыбыта...
1923 с. ийэбинээн Наталья Васильевналыын холбоһон ыал буолбуттара, уон
уол, икки кыыс оҕону төрөппүттэрэ. Аҕам Дьаархаҥҥа нассовет секретарынан,
Тойбохойго Папанин аатынан колхозка суотчутунан, ревизионнай комиссия чи-
лиэнинэн үлэлээбитэ. Сэрии саҕаланыыта, аҕам үлэлии сырыттаҕына, оҕолоро
утуу-субуу ыалдьаннар өлбүттэрэ. Убайым Александр уонна мин ордубуппут. Убайым
миигиттэн тоҕус сыл аҕа этэ. Александр Игнатьевич 1998 с. ыалдьан өлбүтэ, тыыл,
үлэ ветерана, II группалаах инбэлиит этэ.
Игнатий Николаевичтаах 1942 с. фроҥҥа ыҥырыллан, ол сыл Москва анныгар
тиийбиттэр. Кылгастык үөрэтэн баран сунтаардары кыргыһыы хонуутугар ыыппыт-
тар. Аҕабын взвод, онтон рота командирынан анаабыттара. Дьэ, итинник буһан-
хатан, окуопа хастартан соло булан кэргэнигэр сурук суруйара. Өстөөҕү кыайан-
хотон, калека да буолларбын, дойдубар тиийиэм — күүтээриҥ диэн элбэхтик этэрэ.
Дьаархантан П.М. Потапов, Савва Федоров, Аллаҥаттан Василий Кырбасов, Саша
Васильев быраатыныын, Кириэстээхтэн Василий Гуринов уонна да атытгар сэриилэс-
питтэрэ. Армияҕа командирдар хамнас ылар эбиттэр. А рм ыйдааҕы хамнаһын уонна
кэтэн барбыт таҥаһын атыылаан, харчытын ийэбэр ыытар эбит. Штабын начальнигыт-
тан ийэбэр удостоверение ылан ыыппыт. Ол докумуонунан ийэбэр үрүҥ бурдук, мэлии
саахар биэрэр эбиттэр. Мин 18-пар диэри 56 солкуобай пособие ыларым.
Аҕам 1943 с. кыргыһыы хонуутугар охтубут.
Мин бэйэм Бүлүү педучилищетын бүтэрэн баран 24 сыл үөрэх-иитии эйгэти-
гэр үлэлээбитим. 1991 с. пенсионеркабын. Билигин II группалаах инбэлииппин,
дьиэбэр соҕотоҕун олоробун, социальнай харалта үлэһитэ таһыттан көрөр-истэр.
Зинаида ПОПОВА,Сунтаар

134