Page 144 - С.С.Аржаков, Н.Н.Петров. Военное лихолетье

кинилэр норуот хаһаайыстыбатын араас салааларыгар үлэлээн, билигин пенсияҕа
олороллор. Аймахтарбар, оҕолорбор, сиэннэрбэр төһүү буолар — мин ытык иэһим.
Ити курдук кэргэннии Шадриновтар оҕолорун, сиэннэрин Улуу сэриигэ тыын-
нарын толук уурбут аҕаларын үтүө холобурдарыгар үөрэтэллэр, сырдык кэриэстэ-
рин умнубаттарын курдук өйдөтөллөр. Кыайыы күнэ бу дьиэ кэргэҥҥэ — аҕала-
рын, эһэлэрин кэриэстиир сырдык күн.
Николай, Мария ШАДРИНОВТАР

АҔАМ КӨМҮС УҤУОҔАР

Кыайыы 60 сылынан сибээстээн аҕам, Ефремов Владимир Прокопьевич (1905—
1942 сс.), хара кырыыстаах сэриигэ сырдык тыына быстыбыт Тверь уобалаһыттан
байыаннай комиссар генерал-майор А.А. Едкинтэн сурук кэлбитэ: “Уважаемый
Ефрем Владимирович! Командование военного комиссариата Тверской области
приглашает Вас принять участие в торжественном мероприятии, посвященном
60-летию Победы, которое состоится 9 мая 2005 г. в Бобачевской роще г. Тверь,
где захоронен Ваш отец Ефремов В.П.”. Ити мин эдэр эрдэхпиттэн аҕам көмүллүбүт
сирин булуохпуттан ылата, ыкса сибээстэһэр военкоматым ыҥырыыта этэ.
Тверь куоракка тиийэн тимир суол вокзалыттан военкомакка телефоннаабыппар
кэлэн көрүстүлэр. Сарсыныгар, ыам ыйын 9 күнүгэр, военкоматтарым кэлэн брат-
скай могилаҕа бардыбыт. Аҕам көмүс уҥуоҕар сылдьыбатаҕым биэс сыл буолла. Кини
ол дойдуга көмүллүбүтэ быйыл алтынньы ый 12 күнүгэр 63 сыла буолуохтаах. Аҕам
сырдык кэриэһэ, үтүө аата үйэ-саас тухары сүппэтин туһугар кини сиэнэ Александр
Ефремович быйыл муус устарга эһэтин аатыгар сүгүрүйэн, ахтан-санаан, барыбыт
аатыттан ытыс буор кутан кэлбитэ. Мин бу сырыыбар ийэм көмүллүбүт буоруттан
аҕам аата суруллубут мраморнай плитатын иннигэр ытыс буору куттум, оччо буору
ылан, суулаан сиэппэр угуннум уонна: “Ийэлээх аҕам сырдык дууһаларын ситимнээ-
тэҕим буоллун”, — диэн ботугураатым уонна санаабыт санаабын, ытык иэспин то-
лорбут, сыалбын-сорукпун ситиспит курдук сананным.
Миитиҥҥэ иккис киһинэн миэхэ тыл биэрдилэр. Кылгастык аҕам уонна ийэм
тустарынан сырдаттым. Бүтэһикпэр: “Никто не забыт, ничто не забыто”, — диэн
түмүктээтим. Мин иннибэр үс нуучча эмээхсинэ эдэр дьоҥҥо өйөтөн тураннар
“ой-ай” бөҕөтүн түһэрдилэр. Бэйэм да улаханнык долгуйдум, уйадыйдым.
Кыайыы 60 сылынан сибээстээн ыытыллар дьаһалларга кыттыһан элбэх таҥара
үлэһиттэрэ кэлбиттэр. Бастатан туран, “отпевание” оҥордулар. Ол кэнниттэн хо-

142