Page 42 - С.С.Аржаков, Н.Н.Петров. Военное лихолетье

дьыбатахтар, онон дьиэлэрэ-уоттара чөл, электричество уота сандаарар, эдэр ыч-
чат күүлэйдиир, киинэ буолар эбит.
Павловтаах салгыы Кенигсберинэн, Гданьск, Данциг, Сопот куораттарынан
сэриилэһэ-сэриилэһэ айаннаан, ыам ыйын 6 күнүгэр Берлинтэн чугас тохтууллар.
Дэриэбинэ баара-суоҕа 4—5 дьиэлээх үһү. Дьэ, манна олорон сэрии бүппүтүн
истибиттэр, үөрүү-көтүү, салют бөҕө. Иван Михайловичка Албан Аат III степен-
нээх орденын туттарбыттар.
“Дойдубар 1946 с. кэлбитим. Ийэм эрэйдээх 1943 с. өлөөхтөөбүт этэ. Аҕам тыын-
наах көрсүбүтэ. Сэриигэ барыам иннинэ училище бастакы курсун бүтэрбит буо-
ламмын, оскуолаҕа физругунан ыллылар. Салгыы үөрэнэн училищебын бүтэрдим.
Салгыы СГУ-ну бүтэрэн историк идэтин ыллым. Дойдубар Чурапчыга көһөн тии-
йэн интернат-оскуолаҕа 35 сыл үлэлээтим. Манна ССРС үтүөлээх тренерэ Д.П.
Коркины кытта үлэлээбиппиттэн астынабын”, — диир Иван Михайлович.
Кини Саха АССР оскуолатын үтүөлээх учуутала буолбута. Кыайыы 50 сылыгар
Аҕа дойду сэриитин I степеннээх орденын туттарбыттар. Кини ону улаханнык
суолталаабат: “Сэрииттэн тыыннаах эргилиннэ диэн биэрдэхтэрэ”, — диэн күлэр.
Бэйэтэ этэринэн, итинник орденнаах дьону чахчы бойобуой орденнаахтарынан
сыаналаабат эбит, бэлиэ эрэ курдук көрөр. Павлов “Өйдөбүнньүк” кинигэ бэлэм-
нэнэригэр кыттыһан, П.А. Ойуунускай аатынан Госпремия лауреата буолбутун
астынар, киэн туттар. Оскуолаҕа байыаннай үөрэҕи суох гыммыттарын сөбүлээ-
бэт, патриотическай тыыҥҥа иитии биир көрүҥүн суох оҥордулар диир. Кырдьа-
ҕас саллаат, сэрии уотун ортотунан ааспыт, элбэхтэ бааһырбыт киһи, оҕону иити-
игэ анаабыт үлэтин ситиһиилэриттэн үөрэр, сиргэ киһи буолан таах олорботум,
суолбун хааллардым диэн астына кэпсиир. Кэргэнэ суох буолуоҕуттан Чурапчыга
соҕотоҕун олорор, кыһын оттук маһын аҕалан биэрэллэр, эдэр дьон маһын хайы-
тан, мууһун тиэйэн биэрэллэр. Кыһыҥҥы кэмҥэ биир эмэ оҕону олордон, доҕор
оҥостор, кэпсэтэн аралдьыйар. Хаһыаттарга суруйар, санаатын этэр. Чурапчыга
54 сэрии кыттыылааҕа хаалбытыттан мунчаарар, ол эрээри бэйэтин санаатын бул-
гуруппат, инникигэ эрэллээх, олохпут тупсуо диэн ыра санаалаах.

Иван БОРИСОВ,
СР журналистарын Союһун председателэ