Page 66 - С.С.Аржаков, Н.Н.Петров. Военное лихолетье

эрэ кэмҥэ тохтотору ситиспиттэрэ. Онтон танкаларынан хаххаланан өссө төгүл
сорунуулаахтык кимэн киириигэ туруммута. Ол түмүгэр үгүс киһитин сүтэрдэр
да, Холоднай Гораҕа киирэри ситиспитэ. Ол кыргыһыыга, Уйбаан кэпсииринэн,
бастакы, иккис взводтартан баара-суоҕа 6 байыас эрэ тыыннаах ордубут, 20-тэн
тахса саха буойуннара геройдуу охтубуттар. Ити иһигэр Уйбаан бииргэ үөрэммит
доҕоро Пантелеймон Дьячковскай сырдык тыына быстыбыта. Кэлин Иван Иоси-
фович сулууспалыыр чааһа генерал-лейтенант Малиновскай командующайдаах Со-
ҕуруулуу-Арҕааҥы фроҥҥа тиийэн, 111 танковай армия састаабыгар киирбитэ.
Иван Иосифов сулууспалыыр 1310 стрелковай полката Печенег дэриэбинэ ан-
нынааҕы кыргыһыыга улаханнык бааһыран полевой госпитальга киирбитэ. Онтон
эмтэнэн баран, И-с группалаах инбэлиит буолан 1944 сыл бүтүүтэ дойдутугар эр-
гиллэн кэлбитэ.

Илья ПРУДЕЦКАЙ, Уус-Алдан

САХА ЧУЛУУ БУОЙУНА

Уоттаах сэриигэ Ийэ дойдубут көҥүлүн, тутулуга суох
буолуутун адьырҕа өс-төөхтөн көмүскээбит Саха сирин
чулуу буойуннарыттан биирдэстэрэ Семен Павлович
Павлов буолар.
Бэрдьигэстээх нэһилиэгин ытык кырдьаҕаһа Семен
Павлович быйыл 79 сааһын туолар. Кини 24 саастааҕар
Аҕа дойду Улуу сэриититтэн эргиллэн кэлэр. Бэйэтин
аналын Дарья Егоровнаны көрсөн кэскил тэринэр. 1Си-
нилэр үйэ аҥарыттан ордук олорон түөрт оҕолоохтор,
тоҕус сиэннээхтэр.
Семен Павлович 1942 сыл от ыйын 14 күнүн хаһан да
умнубат. Бу күн уон аҕыстаах уол бэбиэскэ тутан армияҕа
ыҥырыллар. Урут ханна да сылдьыбатах, Саха сирин тыа-
тыгар үөскээбит уолчааны нууччалары кытта соҕотохтуу
Арҕаа фроҥҥа ыыталлар. Кини үс сыл кэриҥэ Дон өрүстэн
Прагаҕа диэри, бэрт дэҥҥэ танкар олорсон, үксүн атаҕынан хааман тиийбит. 25
өрүһү туораспыт (ол иһигэр Дону, Одеры, Висланы), 28 улахан куораты (Харьков,
Киев, Львов, Берлин, Прага уо. д. а.), сүүһүнэн дэриэбинэлэри босхолоспут. Төрөөбүт
дойдутугар ытык иэһин чиэстээхтик төлөөн 2 “Кыһыл Сулус”, Албан аат III степен-
нээх уордьаннардаах, 4 мэтээллээх, ол иһигэр “Хорсунун иһин”, “Туйгун разведчик”
знакгаах, Иосиф Виссарионович Сталинтан икки төгүл Махтал суруктаах, гвардия
сержана званиелаах төннөн кэлбитэ.
Мин Семен Павловичтыын көрсүбүт күммүн биир дьоллоох түгэмминэн ааҕына-
бын. Кинини көрөөт, оҕонньор сэмэйин, эйэҕэһин, киһиэхэ үтүө сыһыаннааҕын
тута билбитим. Семен Павловичтыын кэпсэтэ олорон киһи олус сынньанар, чэп-
чиир. Кини табах тардыбат, арыгы испэт, чөл олох сиэрин тутуһар буолан билигин
да тэтиэнэх, сэргэх. Семен Павлович мин биир дойдулааҕым буоларынан киэн
туттабын. Маннык чулуу дьон аҕыйаата, онтон кини модьу санаата, сырдыкка,
кэрэҕэ дьулуура, инникигэ эрэлэ миигин олус үөрдэр. Тус бэйэм Семен Павлович
ийэ дойдутугар таптала, ытык иэһин толорууга эппиэтинэһэ уоттаах сэрииттэн
тыыннаах төннөрүгэр харысхал буолбуттар дии саныыбын.

Майя ТАНТУРИ,
Ньурба 1 №-ээх оскуолатын үөрэнээччитэ

64