Page 62 - С.С.Аржаков, Н.Н.Петров. Военное лихолетье

“Благодарность

За участие и службу на благо нашей Родины гвардии рядовому Попову Васи-
лию Афанасьевичу.
Главнокомандующий советскими оккупационными войсками в Германии Мар-
шал Советского Союза Г. ЖУКОВ.
Член Военного Совета генерал-лейтенант К. ТЕЛЕГИН.
4 октября 1945 года”.
Билиҥҥи көлүөнэ ыччакка аҕа саастаах табаарыстарбыт албан ааттаах суолла-
рын үйэтитэн, үтүө холобур быһыытынан тириэрдэрбит ытык иэспит буолар. Ол
биһиги кинилэри ыҥырар суолдьут сулуспут. Итини этэн тураммын Попов Васи-
лий Афанасьевич бойобуой суолун суруйдум.

Афанасий АРЖАКОВ,
сэрии, үлэ ветерана, Мэҥэ-Хаҥалас улууһун бочуоттаах гражданина,
СР норуотун хаһаайыстыбатын үтүөлээх үлэһитэ

РЕЙХСТАГКА ТИИЙБИТЭ

Слепцов Тарас Васильевич 1926 с. олунньу 2 күнүгэр
III Байаҕантай улууһугар, билиҥҥинэн Мэҥэ-Алдаҥҥа
төрөөбүтэ. Соҕуйга “Ньургуһун” колхозка иитиллибитэ.
Онно олорон Чымнаайыга үс кылааһы, онтон алтыс
кылааһы Якутскайга аҕатыгар киирэн бүтэрбитэ. Якутс-
кайга мотуруостуу сырыттаҕына, 1944 с. 18 саастаах уолу
армияҕа ыҥырбыттара. Младшай авиаспециалистары
бэлэмниир үс ыйдаах курсу Смаш куоракка үөрэнэн бүтэ-
рэн сержант званиеламмыта. Ол кэнниттэн Суворов ор-
деннаах Кыһыл Знамялаах авиационнай полкаҕа сулуус-
палыы кэлбитэ. Кинини үһүс эскадрильяҕа маастары-
нан анаабыттара.
1945 с. тохсунньу 3 күнүттэн I Белорусскай фроҥҥа
15-с истребительнэй авиацияҕа сылдьыбыта. Бэҕэһээҥҥи
курсант истребителлэри бойобуой көтүүгэ бэлэмнэспи-
тинэн барбыта. Летчиктар төһө самолету сууллараллара да, ол кини үлэтин түмүгэ
буолар. Берлини ылыы иһин кыргыһыыга Тарас Васильевич сулууспалыыр полка-
тын летчиктара хорсуннук кыргыһан кыайыы өрөгөйүн билбиттэрэ.
Ыам ыйын 10 күнүгэр табаарыстарын кытта Рейхстагка тиийэн хаартыскаҕа
түспүттэр, баҕана аайы советскай саллааттар автографтара хара баһаам эбитэ үһү.
Кыайыы кэнниттэн 1948 с. Элынтальга оккупационнай бөлөххө салгыы сулууспа-
лыы хаалбыта. Онно эйэлээх олох акылаатын түһэрсибитэ. 1949 с. бэс ыйыгар
армияттан иккис группалаах инбэлиит буолан эргиллибитэ.
Кэлээт олох үөһүгэр түспүтэ. 1955 с. Уус-Амма “Труд” колхоһугар биэс сыл
агрономнаабыта, биригэдьиирдээбитэ, онтон 10 сыл сельсовекка секретардаабыта,
кэлин Уус-Амма сельсоветыгар бухгалтердаабыта.
Слепцов Т.В. бочуоттаах сынньалаҥҥа олорон 1993 с. өлбүтэ. Кини бойобуой
суолун “Германияны кыайыы иһин”, “Берлини ылыы иһин”, “Варшаваны босхо-
лооһун иһин”, “Бойобуой үтүөлэрин иһин” мэтээллэр, Аҕа дойду сэриитин I сте-
пеннээх орден кэрэһилииллэр.

М. АНДРОСОВА.Таатта

60