Page 185 - Бэстэрикиэптэр. Олох салҕанар

Бэстэрикиэптэр. Олох салҕанар

Петр ПЕСТРЯКОВ көрдөөх кэпсээннэриттэн

Араадьыйа

Ньукулай оҕонньор куоракка олорор оҕолоругар киирэн куулэйдээн,
сынньанан, бэркэ астынан дьиэтигэр төнүннэ. Тахсарыгар оҕолоро кэһии,
бэлэх-туһах бөҕөнү биэрдилэр. Ол быыһыгар, дойдуларыгар радио линия-
та сотору киириэхтээҕин билэр буолан, сабыс-саҥа, розеткаҕа холбоон
саҥарар репродуктор бэлэхтээтилэр.
Радио диэни үйэтигэр тутан көрбөтөх, ыалларга эрэ дэҥ ымсыыра
истэр Ньукулай, туохтааҕар да ордук онтон астынна.
Оҕонньор араас түбэһиэх массыыналарынан уһун күнү быһа айан-
наан, киэһэ аһылык саҕана дьиэтин булла. Аһыы олорон үөрэ-көтө, бэр­
кэ ирэн-хорон, куораттааҕы сонунун кэпсээтэ. Аһылык кэнниттэн кэһии
көрүүтэ буолла.
Кэһии хостоотох ахсын үчүгэйтэн үчүгэй, барыта орун-оннугар сөрү-
сөп буолан истэ. Ол ахсын Ньукулайдаах Маайа оҕолоругар махталлара,
үөрүүлэрэ-көтүүлэрэ ыраатан истэ.
Бэл, дьукаахтара, Ньукулай өлөр доҕоро Лэгиэн оҕонньорго кытта
кэһии ыыппыттар. Сааһын тухары кэргэннэммэтэх, үйэтин соҕотох мо-
ҥоон эрэр Лэгиэн оҕонньор Ньукулайдаах Маайатааҕар ордук үөрдэ.
Буолумуна, сааһын тухары сулумах сылдьыбыт, оҕо үөрүүтэ, кэргэн сы-
лааһа диэни билбэтэх киһи. Буолаары буолан куорат биир дьоһун ыалын
болҕомтотуттан.
Аны дьэ, саамай кэлин, Ньукулай оҕонньор дьоннорун бүтэһиктээхтик
соһутуохтаах репродуктордарыгар, (араадьыйаларыгар) тиийдилэр.
Барахсан, кырдьык даҕаны бэйэтэ да, кылбайан, тупсаҕайа, нарына -
Ньукулайдаах Маайа үйэлэригэр бас билбэтэх маллара. Чочумча сөҕүү-
махтайыы, көрүү-истии кэнниттэн:“Бу барахсаммыт хайдах саҥарара
буолла?” - диэн мунаарда Маайа.
- Ээ, билэбин, билэбин! Сип-сибилигин холбуом. Дьэ, куоракка киһиҥ
хата чугдааран сүр этэ. Кыыһым көрдөрбүтэ, — итини эрэ күүтэн олорбут
курдук, холоруктана түстэ Ньукулай. Итиэннэ ойон туран, уот холбуур
розеткаҕа илдьэн араадьыйатын вилкатын батары аста.
149