Page 190 - Бэстэрикиэптэр. Олох салҕанар

Бэстэрикиэптэр. Олох салҕанар

кэбистилэр. Хата, эбиитин, аҕата төһө кыалларынан кылгастык ыллыы-
рыгар “өй уган” субэ-ама буоларыгар сорудах биэрдилэр.
Эн, күндү ааҕааччыам, баҕар, тоҕо ити Онтуойаны тула, эбэтэр, чэ,
кини ырыатын тула да буоллун, итиччэ үлүгэр “кырыктаах” мөккүөр буол-
тун ситэ өйдөөбөтөҕүҥ да буолуо. Онон Онтуойа уонна кини ырыатын
туһунан кыратык сырдата түһүүм.
Суох, Онтуойа сааһыгар туох да куһаҕаны оҥорботох оҕонньор. Бу-
руйа диэн, төһө да киһини улаханнык умсугутар куолаһа суоҕун иһин,
ыллыырын сүрдээҕин сөбүлүүр. Ырыата да куһаҕан буолбатах. Баар-
суох классикпыт киэнэ. “Борокуот аал”. Мөккүөр төрдө - Онтуойа ол
ырыаны толоруутугар уонна ырыа ылламмыт кэмэ олус уһунугар сытар.
Онтуойа бу ырыаны сиэри таһынан уһатан-кэҥэтэн, ойуулаан-мандар-
даан, биирдэ да эрэ истибит киһи букатын, аны хаһан да истиэн баҕар-
бат гына хал буолуор диэри ыллааччы уонна бу ырыа бөһүөлэк олохтоох-
торугар кэлин уонча сылга хас сыбаайба, бырааһынньык аайы барыты-
гар кэриэтэ ылламмыта. Онон, манна диэн эттэххэ, үгүстэр уонна Онтуойа
бэйэлээх бэйэтин уола Гришка оҕонньор ыллыырын букатыннаахтык утар-
саллара эмиэ да син оруннаах. Кырдьыга да, хайдахтаах да бэйэлээх
ырыаһыт, уонунан сыллар устатата, сылга, чэ, холобурун, 2-3 да эрэ
буоллун, наар биир истээччилэргэ, куруук биир ырыаны ыллыыра, со-
рохторго син салгымтыалаах буолуон сөп. Өссө ити эттибит ээ, үчүгэй
толорооччуга диэн. Оттон биһиги киһибит хайдах ыллыырын бэйэҥ иһит-
тиҥ - анал үөрэҕэ суох.
Чэ, ити хааллын. Кыһалҕа буоллаҕа дии, Онтуойаттан ордуга суох
буолан баран, тугу сирэ-тала сылдьыахтарай?..
Нөҥүө киэһэтигэр, концерт саҕаланыан быдан иннинэ, Онтуойа ку-
луупка кэллэ. Оҕонньор сирэйэ-хараҕа сырдаабыта сүрдээх. Букатын
лотереянан “Москвич” массыынаны сүүйбут киһи курдук. Буолумуна, бу
кэнники үс бырааһынньыкка да, күһүҥҥү сыбаайбаҕа да, төһө эмэ тыллана
сатаабытын үрдүнэн, оҕонньору букатын ыллаппатахтара. Онон оҕонньор
ыччаттарыгар махтаммыта, астыммыта өтө көстөсылдьар.
Ол да буоллар, Онтуойа сцена кэтэҕэр тута ааспата. Баҕар,
көрөөччүлэригэр бу киэһэ ыллыыр үөрүүтүн кэмин иннинэ биллэриэн
баҕарбатаҕа буолуо, баҕар: кылгастык ыллаар диэн, тыыммын-быар-

154