Page 187 - Бэстэрикиэптэр. Олох салҕанар

Бэстэрикиэптэр. Олох салҕанар

- Чэ, түргэнник, уута аҕал, - хойутаан да буоллар дьаһайда Ньуку-
лай. Эмээхсин хаҥас диэки ыстанна.
- Хаарыан бэлэх, хаарыан араадьыйа, биирдэ саҥаран көрбөккө
умайан эрдэҕэ! - Маайа оҕолорун бэлэҕин аһыйан, мэктиэтигэр хара-
ҕын уута мөл-мөл таммалаата. Хомуоска толору уу баһан, Маайа остуолга
чугаһаан эрдэҕинэ, иэдээн буолбат быатыгар, таһаара ыаллара уол Ганя
көтөн түстэ.
Остуолга буруолаан ыһыырда турар, уот розеткатыгар холбоммут
репродукторы, хомуостаах ууну тутан иһэр Маайаны, икки уолуйбут оҕон-
ньоттору көрөөт, Ганя барытын тута өйдөөтө:
- Тохтооҥ, ууну кутумаҥ, уокка оҕустарыаххыт! - уонна ыстанан
тиийэн вилкатын розеткаттан сулбу тардан ылла.
- Хайа, оҕонньор, эн бу иирэн репродукторы уокка холбуугун дуо?! -
Ганя сүрдээҕин соһуйда.
- Оттон кыыһым Ааныс куоракка манныкка холбообутугар саҥарбы-
та ээ, - быһаарсан көрдө Ньукулай.
- Ээ, ол аналлаах радио киэнэ. Оттон бу уот киэнэ, манна холбом-
мот. Бу уокка холбооҥҥун ити репродукторыҥ катушката умайбыт.
- Ээ, ол иһин эппитим ээ, хотуога диэн, - Ньукулай кырдьыга тах-
сыбыттан, эмээхсинин диэки кыайбыт-хоппут хараҕынан көрдө.

Сюрприз

Дьахтар күнүн бырааһынньыгар уолаттар кыргыттарыгар сюрприз
бэлэмнээтилэр. Бөһүөлэк саамай бөдөҥ уолаттарыттан сүүмэрдээн, “Та­
нец маленьких матрешечек” диэн үҥкүүнү туруордулар.
Сюрприз син бэркэ саҕаланна. Кырдьык даҕаны киһи эрэ астына
көрөр уонча талыы уолаттар сиринэн соһулла сылдьар уп-уһун сарапаан
тиктинэн, имнэрин тэтэрчи соттунан, харахтарын тардынан, көрбүт эрэ
күлүөхтүү, былааттарын баанан, оргууй аҕай устан, үкчү матрешкаларга
маарыннаан киирбиттэрэ кыргыттар барахсаттар сүрэхтэрин-быардарын
бэркэ диэн манньытта.
Киһи буолуох, үҥкүү улахан аҥара бэркэ табыллан таҕыста. Уолат­
тар эҥин-араастаан иҥнэҥнээн, чохчоҥноон, сирэйдэрин-харахтарын

151