Page 189 - Бэстэрикиэптэр. Олох салҕанар

Бэстэрикиэптэр. Олох салҕанар

Бэркэ сэрэнэн хамсанарга ананан тигиллибит уп-уһун, киһи атаҕар
сөрөнө сылдьар сараппаан маннык үлүгэр “эриэскэй” хамсаныыны
сөбүлээбэтэ быһыылаах. Рома атаҕар эрилиннэ да, уол, ыстаммыт уоҕар,
умса баран түстэ. Олус күүстээх хамсаныы түмүгэр сараппаан эрэйдээх
тулуйбакка улахан баҕайытык «тыырк» гына хайа ыстаммыта күлүүнү
эбии сатарытта.
Рома эрэйдээх, төһө да бу үлүгэр иэдээҥҥэ түбэстэр, иэрийэ-иэрийэ
күлсэ олорор кыргыттар харахтарын ортотугар найыланан сытыа дуо,
сараппааныгар бүтэһиктээхтик сөрөнөн хаалан кыайан да турбакка, ат
буолан нэһиилэ үнүөхтээн, хайа ыстаммыт сараппаанын тэллэҕэ соһул-
лан, сцена кытыытын былдьаста.

Тээтэ, ыл, таҕыс
диибин дии!

Дьахтар күнүн бырааһынньыгар аналлаах концерт тиһэх бэлэмигэр,
концердарын бириэмэтэ тахсыбакка, мустубут уолаттар моргуор бөҕө.
Сорохтор ыҥырыллан баран кэлбэтэхтэри саҥараллар, сорохтор быйыл
саҥа кэлбит худрук кыыһы, үчүгэйдик тэрийбэккин диэн түүрэйдииллэр.
Мөккүһээн-мөккүһэн, тыыннарын таһааран, арыый уоскуйдулар. Кыргыт-
тарын бырааһынньыгын хайдах да гынан атаардахтарына табыллар. Ону
баара ити: кырыыстаах бириэмэ — хайдах да эргит-урбат син биир тах-
сыбат. Иһэ үллэн чаас аҥаара буолар. Онуоха хайалара эрэ, ээ, Онтуойа
оҕонньору ыллатыаҕыҥ диэн, өй укта.
- Ол оҕонньору сценаҕа киллэрдэхпитинэ сарсын киэһэ онтон тахсыбат.
Ырыата да бу хас уон сылы быһа биир, уларыйбат. Хайа дьахтар ону
тулуйан истиэй?! - хас да киһи өрүһүспүт курдук утардылар.
- Инньэ диэн бүтүн дьахтар күнүн бырааһынньыгар баара-суоҕа 30
мунүүтэлээх концеры көрдөрөбүт дуо? Хайа, оҕонньоруҥ кылгатан уонча
мүнүүтэ ыллаатаҕына, киириилиин-тахсыылыын ытыс таһыныылыын
бэйэтэ чаас буолар дии! - өй укпут уол этиитин көмүскэстэ.
Эмиэ мөккүһээн-мөккүһэн, туох да “быыс-хайаҕас” суоҕуттан Онтуойа-
ларын киллэрэргэ быһаардылар. Онтуойа уола Гришка аҕата киирэрин
“кэнкириэтинэ” утарса сатаабытын: норуот иннэ,- диэн саба саҥаран
153