Page 188 - Бэстэрикиэптэр. Олох салҕанар

Бэстэрикиэптэр. Олох салҕанар

үҥкүүлэрин хамсаныытыгар бэрт сөпкө түбэһиннэрэн туттан кыргытта-
рын бэркэ күллэрдилэр, астыннардылар, дьиҥ-чахчы бырааһынньык-
тыы быһыыны-майгыны тэрийдилэр.
Кыргыттарга бу үҥкүү, кырдьык да, өтөрүнэн күүтүллүбэтэх сюрп­
риз буолла.
Ону баара, биһиэнэ биһиэнин курдук, барытын түмүкпүт «буорту гын-
на». Бэркэ түмүктэниэх үҥкүүнү били айылҕа барахсантан туох да музы­
кальность диэн бэрсиллибэтэх, этэллэригэр дылы, кулгааҕар “эһэ үктэм-
мит” Коля уол алдьатта. Оттон «баардаах» баара өттөҕө дии. Ол айылҕа
бэрсибэтэҕин кини хайыай?
Онон кини улахан буруйа да суох уонна онно эбии үҥкүү сити-
һиилээхтик түмүктэнэн эрэрэ, бэркэ кыһанан-мүһэнэн муҥу көрө сыл-
дьар киһини сэрэҕин сүтэттэрдэҕэ. Баҕар, бэрт мөдөөт киһини, кыргыт­
тарга бастакы ситиһиитэ мэйиитин да эргиппитэ буолуо. Уопсайынан
хайдаҕа биллибэт. Чэ, быһата, Коля үҥкүү музыката бүтүө быдан инни-
нэ, бары хамсаныытын барытын бүтэрэн, сыана кытыытын диэки уста
турда. Оттон уопсайынан син сөп ээ, ол хамсаныытын барытын бүтэрэн
кэбиһэн баран тугу гына сылдьыай, таҕыстаҕа дии.
Кэнниттэн иһээччилэрэ, бу сааты-сууту төһө да өтө көрдөллөр,
хайыахтарай, “бэриэччит” тахсыбытын кэннэ туруохтара дуо, эмиэ ки-
һилэрин батыһан кытыы диэки субустулар. Арай музыкальнай училище-
ны быйыл саҥа бүтэриэхтээх, практикатыгар кэлэ сылдьар Рома уол,
музыка бары силигин толору тутуһан, сатахха дьоно тахсыыларыгар
үҥкүүтүн быһыытынан, дьонугар көхсүнэн буола сылдьан , көрбөккөхаа-
лан, бүтэһик сольнай партия дуомнааҕын эҥин араастаан наҥнаҥнаан
үҥкүүлүү сырытта.
Рома бу сылдьан, улахан күлүүтэ да суох сиргэ кыргыттар олус
күлсэллэриттэн ытырыктатан, туох буоллаҕай диэн, ону билээри
араастаан кыҥнаҥнаан, дьоно баар буолуохтаах сирдэрин диэки оргууй
эргийдэ. Көрбүтэ - сценаҕа биир да киһи суох. Музыкалара бүтүөн бы­
дан иннинэ дьоно суох буолтарыттан Рома сүрдээҕин соһуйда, мэктиэ-
тигэр сирэйэ икки бүк уһуурга дылы буолла. Ол аайы кыргыттар күлсэн
уҥа сыталлар. Онтон киһибит улахан баҕайытык «һуук» диэтэ да, дьоно
тахсыбыт сирин диэки ыстанна.
152