Page 186 - Бэстэрикиэптэр. Олох салҕанар

Бэстэрикиэптэр. Олох салҕанар

Радио бастаан, куттаммыт курдук, “кыр-хар” диэтэ уонна онтон ор-
дуктүох да киһи сэргиэҕин иһитиннэрбэтэ. Ньукулай регуляторын төттөрү-
таары эрийэн көрдө - туһа суох. Ылан сахсыйан көрдө, тыгыалаата, ра­
дио син биир тугу да бэрсибэтэ.
- Бу күтүр оҕолорун баар-суох кэһиитин, сүгүн таһаарбакка, алдьатан
кээспит, буолбат дуо! Дьэ, аны мантыкабытын ханна оҥорторобут?
- Бээ-бээ, эмээхсиэн, алдьаныах туһа суох. Наар илиибэр илдьэ
сылдьыбытым. Мин да ол араадьыйаны мээнэ быраҕаттыыры өйдөөбөт
үһүбүн дуо? - диэтэ, куоракка бэркэ чугдаарар радиота манна кэлэн
саҥата-иҥэтэ суох буолбутуттан бэйэтэ да бэркэ муодарҕаабыт Ньу­
кулай.
Өтөр буолбата, аны туран радиобыт иһиттэн буруо тыргыллан барда.
Бу баҕас адьаһын күүппэтэх өттүлэриттэн буолла.
- Хайа, араадьыйабыт табахтыыр дуу? -Ньукулай бэйэтэ да ыксаан
турар санаатыгар, маннык мүлчүргэннээх түгэҥҥэ, Лэгиэн олус холус
баҕайытык оонньоон ылла.
- Ээ, мин билэбин, ити хотуога, - дьонун санаатын буолан эрэр
алдьархайтан аралдьытан, эрэллээх баҕайытык быһаарда Ньукулай.
Уопсайынан Ньукулай, уус буолан, онно-манна орооһор киһи быһыы-
тынан, техникаҕа да син сыһыаннаах, ону-маны балачча ыйдаҥардар
курдук сананар. Ити аата кини катушката диир. Бу ыккардыгар буруота
күүһүрдэр-куүһүрэн, көннөрү “табахтыыра” уурайан, туга эрэ балачча
обургу соҕустук умайан эрэригэр туох да саарбах суох буолла.
Баччааҥҥа диэри, сүрэҕэр төһө да ытырыктаттар, бу буруо туох да
“содула” суох уурайарыгар эрэҥкэдийэн, саҥата суох турбут Маайа
ыксаан саҥа аллайда:
- Хайа, нохоо, араадьыйабыт умайан эрэр буолбат дуо?! Уута
аҕалыым, уута кутуохха!
Ньукулай көхсө улаханнык кыараата. Ол да буоллар онтукатын бил-
лэримээри:
- Бээ-бээ, наһаа ыксаама. Туох да буолуо суоҕа, куоракка саҥара-
ра ээ, - диэмэхтээтэ.
Радиобыт буруота киниэхэ сыһыана да суох киһи тулуйан көрбөт
буолла. Мантан салгыы таах көрөн турар сатаммата чуолкай билиннэ.
150