Page 197 - Бэстэрикиэптэр. Олох салҕанар

Бэстэрикиэптэр. Олох салҕанар

диэхтиирэ буолла? Дата ким кинини хара тыаҕа соһон таһаарбытыгар
дылы. Оттон эмиэ албаһын дуома буоллаҕа... Онтон, милиционер буол-
бакка, били саҥа күтүөтэ сүүрэн сордонон иһэрин өйдөөн көрөөт сиргэ
силлээтэ. Холорук ытыйбытын курдук, аһара эрчимнээхтик эргиллэ би-
эрдэ уонна “тыын” ылбыт киһи быһыытынан, маарыҥҥытынааҕар өссө
ордук уоҕуран, оту-маһы үлтү барчалаан, лааҥкы иһин диэки түһэ турда.
Киһитин көрөн туран мэлиппит саҥа күтүөт эрэйдээх: “Стой, доро­
гой, стой! Подожди!” - диэн эҥсилгэнэ бу сырыыга туох да туһаны биэр-
бэтэ. Биһиги киһибитин аны, хата, ханнык да бэйэлээх “стой!” тохтоппот
буолбут, быһыылаах. Буолумуна, аны кинини ол аайы албыннаабаккын...
Дьолго, улахан айдаан тахсыбат быатыгар, ол саҥа күтүөппүт сордоох
киэһэлик дьиэтин син этэҥҥэ булбут эта.
Турбахтаан баран инспектордар, уолаттары сырсан, чинчийэн көрөөрү,
тыаҕа түстүлэр. Онуоха хаалбыт дьоннортон биирдэстэрэ, хачаайы бы-
һыылаах-таһаалаах, бөһүөлэккэ оҕурук соҕус өйдөөҕүнэн биллэр Киргиэ-
лэй бостуук куотарга, дьэ, тоҕоостоох түгэн үүннэ диэххэ айылаах, үгүһү
анаара барбакка, тыа үөһүн диэки түһүнэн кэбистэ. Киргиэлэй ситэ отучча
хардыыны оҥорбото, иннигэр сүүрэн иһэр киһитэ тохтуу биэрэн төттөрү
эргилиннэ. Быыппастыбыт омунугар бастаан ону өйдөөн көрбөккө, кэтил-
лэ сыһан эра баран дьүүллээн көрбүтэ, били милииссийэтэ турар эбит.
- Хайа, доҕор, бу үлүгэр ханна сүүрдүҥ? Дьоҥггун тутуһа дуо? -
инспектор дьээбэлээхтик ыйытта. Киргиэлэй бастаан мух-мах барыах
курдук гынан иһэн, мэйиилээҕин мэйиилээх, өй була охсон:
- Ээ, эһиги ити уолаттары хайдах тутаргытын көрөөрү гыммытым, -
диэн саайда.
Итиччэ туран хаалан баран туруох да эбит, бачча сааһыран баран
кыранан туһаныах буолта, буруйа эбилиннэҕэ ити...
Дьэ, бүгүҥҥэ диэри күлэр күлүүлэрэ тиһэх киһибитин кытта буолбут.
Оччолорго хомойууттан-кэмсинииттэн ордон күлэр да кыах суоҕа. Оттон
билигин ааспытын кэннэ, оччолорго, ол төһө да ууга-уокка түһэн куотан
истэр, инникитин “бэркэ” көрүнэриттэн “астыналлар”. Киһибит ол куо­
тан сордонон төһө да тыына-быара ыгыллан истэр көрдөһүү кытаанаҕа
үһү. “Уолаттар, бука диэн миигин баар диэмээриҥ! Миигин баар диэн
этимээриҥ!”.
11 Заказ № 146 161