Page 198 - Бэстэрикиэптэр. Олох салҕанар

Бэстэрикиэптэр. Олох салҕанар

Кини инньэ диирэ сөп. Бөһүөлэк биир саамай дуоһунастаах киһитэ.
Онон, хайа, баарын биллэхтэринэ буруйа-сэмэтэ, атыттарга холуйдахха,
хайаан да ботуччу буолуо дии. Дуоһунаһа ону эрэйэрин сүрэҕэ-быара
билээхтиир буоллаҕа эбээт! Ити уонна дьэ, туох эрэйин көрөн, сыраны-
сылбаны эһэн, сор муҥун көрөн бу сылдьаахтыыра буолла?! Бу кэриэтэ,
оттон, сыта-олоро субуотунньукка сылдьыбыт буоллун даа!..
Чэ, бээ, өссө иста туе. Бу сордоохпут эрэйэ манан буппэтэх. Уолат-
тар иккилии-устуу суусчэкэ метри куотан баран, син тохтоон, чуҥнаныы
буолбут. Хайа аанньатын, ама да кинилэр буолбуттарын иһин, үргүбүт
кыыл табаҕа дылы, уонунан биэрэстэни ким да “сойуолаабат” буолтун
кэннэ тамайа сиэллэхтэрэй! “Дьонноро” баралларын кэтээн туран, со-
тору соҕус дьиэлэригэр тарҕаһаахтаабыттар.
Оттон биһиги киһибит, “дуоһунастаах дуоһунастаах” курдук, быыһа-
нар санаатыгар солотун харыстаатаҕа, арҕаа алаастарынан эргийэн,
быһата, били “үргубут кыыл табалыы”, уонтан тахса биэрэстэлээх сири-
нэн “тамаһыйа айаннаан” дьиэтигэр букатын хойут, дьонноро балачча
ыксаабыттарын кэннэ, киирээхтээбит.
Иван Нифонтович олоҕор даҕаны төһө да холкутук сырыттар, куруук
көлөһүнэ “сарт” түһэн, тыына-быара ыгыллан сылдьааччы. Сордооҕум
бу түгэҥҥэ, дьэ, кырдьык даҕаны, төһө эрэ тириттэ-хорутта, тыына-быа­
ра чахчы ыгылынна буолла! Ыйааһына биэс-алта киилэ түспүтэ чахчы.
Бу да буоллар, төһө да харыстанан, уонтан тахса биэрэстэлээх си-
ринэн эргийэн, «маневрдаан» кэллэр, ыстарааптан да, миэрэттэн да син
биир куотаахтаабатах этэ...