Page 196 - Бэстэрикиэптэр. Олох салҕанар

Бэстэрикиэптэр. Олох салҕанар

дэ. Бэстилиэт иккис эстиитигэр киһибит аны өрө ыстанна, кырдьык да
аһарабын диир буоллаҕа, хайа, уонна биэлсэр ааттаах киһи, олох кундутун
кимнээҕэр да ордук өйдүүрэ чахчы, итиэннэ табыллыбатаҕыттан үөрбүт
курдук, туора-маары ойуоххалыырын хас да төгүл күүһүрдэн, иһирик быы-
һыгар киирэн сутан хаалла.
Оттон дэриэбинэҕэ биир саамай күүстээҕинэн аатырар, мэктиэтигэр
саһааннаах, молуой курдук буолбут, улахыын-улахан, суон мае уктаах
отверканы таҥнары туппут курдук модьу-таҕа, Дьуур диэн тырахтарыыс,
уол, саатын туора сүгэн, онтукатынан оттон-мастан иҥнэ-иҥнэ оту-маһы
үлтү барчалаан сүүрэн иһэн туох да тохтоло суох:
- Дьэ, бээ, саабын күүһүҥ кыайдаҕына ылыаҥ, саабын күүһүҥ кыай-
даҕына ылыаҥ! —диэн суоһурҕана иһэр.
Кырдьык, кини итинник суоһурҕанара син оруннаах. Биир бииргэ
киирсии буоллаҕына, дэлэбинэ киһиэхэ сүгүн хотторботун билэр. Хайа,
доҕор, оттон суут-сокуон диэн баар ээ... Ханнык да эт күүс кыайбат
күүһэ!.. Ээ, оттон ол кини да ыксаан, муҥүр уһугар тиийэн, таах, өскүөрүтүн,
суоһурҕанар буоллаҕа дии. Санаатын бөҕөргөтүнэн...
Аны, соторутааҕыта аҕай күтүөт буолан Өлүөхүмэттэн кэлээхтээбит
бааһынай уола эрэйдээх, хаһан да түбэспэтэҕэр түбэһэн, сүрэҕэ-быара
айаҕар тахсан, сатахха, биһиги дьоммутугар холуйдахха, бэйэтэ да мөдөөт
сордоох, дьонун кэнниттэн сүүрэн иһэн, дьонуттан олус хаалаары гынан
ыксаан (инньэ диэн ол букатын билбэт тыатыгар мунан өлүө үһү дуо,
бээ, олох барахсан ханнык да ыстарааптааҕар күндүтэ чахчы!), бары
кутталын умнан, синигэр түһэн, иннигэр бырдааттаан иһэр эрэккэ
ыһыытыыр:
- Ээй, друг, стой!
Ону муҥ кыраайынан сүурэн быыппастан иһэр эрэт бэйэтин киһитэ
хаһыытыырын дьүүллээн арааран истибэтэ быһыылаах (оттон, кырдьык
даҕаны, ол икки хараҕын үүтэ көстүбэтинэн “тыын” былдьаһыгар иһэр
эрэйдээх ону араара бараахтыа дуо, “стой” эрэ диэн тыл чуо кулгааҕар
кииртин кэннэ, милиционер ситэн кэллэ диэтэҕэ, хорус гына тохтуу биэ-
рэр, икки илиитин өрө уунар уонна: “Я не виноват, товарищ милиционер!
Я не виноват, товарищ милиционер!” — дии-дии өрө холоруктүур. Итиччэ
браконьердаан, туе бэйэтинэн тутуллан баран тоҕо эмиэ “я не виноват”

160