Page 124 - Ульяна Винокурова. Е. П. Жирков Сайдыы суолун солоон...

II түһүмэх. Өркөн өй күүһэ

хоһоонноох уонна формалаах ыытыллар буолла. Олун-
ньу ый 23 күнэ оскуола үрдүнэн “Үрүҥ Уоланнар
күннэрэ” диэн бырааһынньык буолар, хас да түһүмэх-
тээх конкурс ыытыллар, сэттистэн үөһэ кылаастан 1-2
уол кыттар. Бырааһынньык олус көхтөөхтүк барар,
оҕолор үөрэн-көтөн, дуоһуйа сынньаналлар.
Сыл ахсын үөрэх дьылын бүтүүтэ оскуола ыһыа-
ҕын ыһар эмиэ үгэскэ кубулуйда. Ыам ыйын бүтүүтэ
биһиэхэ хаар өссө ситэ уулла илик, муора 1,5-2 метр
халыҥнаах мууска хам ылларан турар, ыһыах түһүлгэ-
тэ оскуола спортивнай саалата буолар. Төрөппүттэр,
оҕолор, кылаас салайааччылара ыһыах атрибуттарын,
киэргэлин, таҥаһын-сабын, аһын-үөлүн бэлэмниил-
лэр. Кыайбыттар таба мүһэтин туталлар. Ыһыах
итэҕэһэ диэн дьиҥнээх кымыс суоҕа буолар. Ити кур-
дук хоту Муустаах муора биэрэгэр сахалар былыргы
бырааһынньыктара үгэскэ кубулуйбута алта сыл
буолла.
Улуус киинигэр Хоту дойду оҕолорун оонньуулара
быйыл саас бэһис төгүл буолар. Манна сүрүн-
нээн тыа оскуолатын оҕолоро кытталлар, атын омук
оҕолоро төрөлкөй буолан, тыа оҕолорун сорох көрүҥҥэ
тулуппаттар. Программаҕа сүгэни быраҕыы, маамыкта
быраҕыы, наартаны ыстаныы, хапсаҕайдаһан тустуу,
мас тардыһыыта, атах оонньууларын сорох көрүҥэ, эс-
тафета, да атын көрүҥнэр киирэллэр. Олох тупсан бар-
даҕына, бу оонньууларга чугастааҕы улуустар оҕолорун
кытыннарар баҕа санаа баар.
Үс-түөрт сылтан бэттэх улууска фольклорнай фес-
тиваль ыытыллар. Тыа оскуолалара итиннэ көхтөөхтүк
кытталлар, миэстэ былдьасыһаллар. Бу эмиэ республи-
ка үрдүнэн ыытыллар үчүгэй дьаһал олохтонно. Саха-
лыы, эбээннии, эбэҥкилии норуот ырыата-тойуга,
үҥкүү, чабырҕах, хомус, көр-күлүү чөл хааларыгар,
сайдарыгар бу сүдү суолталаах.

120