Page 106 - Кун кууьар хайатыттан

Мин моҕол ураһам — Ала Таас алаһам,
Эн күндүҥ күрүлгэн уутунуу бараммат.
Бу хайа биһигэр түстэммит мин дьылҕам
Ол өргөс чыпчааллыы дьолунан тутайбат.

Эн түөскэр сыламнаан күүһүрэн турабыт,
Көс омук тулуурдаах олоҕун салҕыыбыт.
Эйиэхэ убаммыт, дьылҕатын холбообут
Өбүгэ аатыгар махталы уунабыт.

СОҔОТОХСУЙУУГА УРУЙ

1
Баалаамаҥ, доҕоттор, баалаамаҥ миигин!
Мин бэйэм бэйэбэр хаалыахпын,
Соҕотох мин киммин өйдүөхпүн
Баҕардым. Быһымаҥ көҥүлбүн!

Мин дьоһун тылларбын ылыныҥ,
Урукку майгыбын да умнуҥ.
Көрсүһэ охсорго тиэтэйэр идэбин,
Көрдөһүөм этэ мин, ирдээмэҥ.
Баалаамаҥ, доҕоттор, баалаамаҥ миигин,
Билэҕит эһиэхэ тапталым ааспатын,
Халлааҥҥа күн уота өспөтүн кэриэтэ
Эһиэхэ сыһыаным көҕүрээн биэрбэтин.

Сүрэҕим мин түөспэр дьиктитик долгуйар,
Эһиэхэ бүтэйдии бэринэ тардыһар.
Бар дьоннуун бииргэбин диэбитим даҕаны,
Бүччүмҥэ эмиэ да мин санаам талаһар.
Элэккэй эйгэҕит иһиттэн тахсыам суох,
Ол эрэн бу санаа миигиттэн барыа суох.
Санаалар — ыалдьыттар. Ол иһин
Күндүлүү охсоору тиэтэйэр кэриэтэ
Кинилэр дьиҥнэрин билэргэ дьулустум,

104