Page 111 - Кун кууьар хайатыттан
P. 111
Ааһаллар сыллар баттахпын астытан.
Син биир тапталынан кынатганан
Дайар куйаарым кэҥээтэр кэҥээбит!
Кураайы кутурҕан куоласпын хата хатарбатах,
Мүөт иэйии минньигэһиттэн төлкөм матарбатах.
Умсулҕаннаахтык да таптыам буоллаҕа аны мин —
Айыы Таҥараны, Аҕа дойдуну уонна Кэрэ Куону.
Бу улуу тапталларым уот тыыннарынан сырдыыбын.
Аан дойдубун да иэйиим күүһүнэн кэрэтитэри сатыыбын.
Үөтүүлээх үс тапталым күн сырдыга күүһүнэн
Аны да айыам-тутуом, олох олоруом да буоллаҕа!
Кинилэр бииргэлэһэн Күн Айыы Тапталы төрөттүлэр.
Куппун-сүрбүн уоскутан айыы тыыны сатыылаттылар.
Күн Айыы Тапталынан күндээрэр күүстэнним —
Аан дойдубар сырдыгы тарҕатар алгыстанным.
КӨНҮЛГЭ ТАЛА Ь АН,
ТАПТАЛЫНАН БЫЫҺАНАН
Хатыылаах халҕаннары аһыталааҥ!
Сабыылаах аартыктары арыйталааҥ!
Көҥүл тыала сир үрдүн чэбдигирдэ үрдүн!
Чэҥнээх муннуктартан дьайы дьалбыйдын!
Күөх уот умайдын
Айыы киһитин айанын суолугар!
Сир ийэҕэ суох ээ, дьиҥэр,
Кыраныысса диэн.
Ол барыта
Көҥүлү күөмчүлүүр кыбычыын
Или иилиир киһи аймахха!
Баарга барытыгар
Бас билиини олохсутабыт.
Күн сирин киэҥ иэнин
Биһиэнэ диэн сэриилиибит.
109
