Page 110 - Кун кууьар хайатыттан

Баара эн тэтимҥэр тибии, буурҕа...
Хоһооннорум миэнэ — сүтүү уонна көтүү,
Арай билбитим буоллар ол кэмҥэ
Ардыгар хомолто хараҕын уутунан
Хоһоонум былыта ардыаҕын!

Ханнык хахсаат тыаллар,
Хайа хаспаҕыттан аргыйан,
Эдэр сааспын илдьибиттэр?!
Син биир, итэҕэллээх Музам,
Эн саталаах саҥаҕын истээри,
Турабын талаһан тахсыбыт
Чымаан чыпчаалым үрдүгэр!

КУОРСУНУМ

Кэтэргэ саҥа ыстаан баар,
Дьиэ да баар дууһаны сылытарга.
Кэтиэххэ сөп саҥа көстүүмү
Дьоҥҥо-сэргэҕэ да тахсарга.

Биэриэхпин сеп барытын,
Арай куорсуммун тыытымаҥ!

Баҕардар, баһылааҥ дууһабын!
Күммүн-ыйбын да былдьаан ылыҥ!
Арай биири көрдөһөбүн —
Хаалларыҥ миэхэ куорсуммун,
Айыы уотунан сыдьаайар тойукпун!
Ханнык да көмүс трон, соло, дуоһунас
Солбуйбат эбээт суруйар куорсуммун!

* * *
Санаарҕаатахпына даҕаны сааратымаҥ дууһабын,
Хонукпар да хойутаатахпына тоҕотун туоккалаһымаҥ.
Баҕар, Дьылҕа Тойон тобуктаппыт да буоллаҕына,
Тапталым күүһүнэн сырдааммын туруоҕум!
Эрэйи-муҥу да эҥээринэн тэлбит,
Билиини, иэйиини да иҥэрбит
108