Page 107 - Кун кууьар хайатыттан

Толкуйдаан бэйэбэр сонуну арыйдым:
Соҕотох — соргулаах буоларын өйдөөтүм.
Бу кини — кун ийэ — салгын, уу кэриэтэ,
Доҕоруҥ, ойоҕуҥ да курдук, быһыыта,
Эйигин тыла суох өйдүөхтээх, өйүөхтээх —
Соҕотох иһийии соргулаах туруга.
Буруйдуом суоҕа мин кими да,
Алҕаска ааммын арыйбатаххытына,
Уоппар да өҥөйөн ааспатаххытына.
Бигэ тыл биир буоллун билигин:
Соҕотохсуйуу тургуттун миигин
Уонна доҕордоһуу уйанын.

2
Олоҕум суолугар көрсүһэ түспүттэр,
Күннээҕи дьаһаҕым тиһигин билбиттэр
Элбэҕи миэхэҕэ көннөрөр этилэр,
Ол курдук иһирэх доҕоттор этилэр.

Өскө мин кууһаары илиибин даллатан
Доҕорбун көрсүһэр түгэммэр даҕаны,
Киниэхэ буолбатах — соҕотохсуйууга
Дьулуһар эбиппин, билигин эттэххэ.

Олох биир — бары да билэбит.
Ол эрэн кулуттаан олоҕу барыыбыт.
Оо, дьонноор, тоҕо бу оннугуй?
Кыраны аахайан улууну көрбөппүт?
Итиннэ харданы этиэҕэ соҕотохсуйуу —
Айааччы (Алыкул) тылынан кэпсэтэр иһийии.
Мин көнө сүрүммүн, өргөстөөх сүрэлбин
Буһарар-хатарар соҕотох тургутуу.

Санаалыын санаанан кэпсэтэр түгэҥҥэр
Ынырык да куттал эбэтэр хараҥа
Айар күүс уотугар эмискэ хотторор,
Үрдүккэ сирдиир иэйиигэ кубулуйар.

105