Page 108 - Кун кууьар хайатыттан

Оччоҕо кынаттаах санааҕын ыҥыырдаан
Көтөҕүн куйаарга, дьоҕургун төлкөлөөн!
Ол алып эмискэ араҕыар диэритин,
Ол турук буор сиргэ төннөрүөн диэритин...

МАХТАЛ

Сүүрүөххэ-көтүөххэ кэрэ да күн үүннэ,
Күлүөхтүн-үөрүөхтүн аан дойдуну кытта!
Утары арыллар миэхэҕэ сибэкки
Мичээрэ тырымнаан тыыннаахха дылы.

Мин бүгүн түбэстим муҥура суох дьолго,
Олоҕу өйдөөтүм соҕотох бу күҥҥэ,
Кырачаан күн буолан киниэхэ тыктым,
Хараҥа тыалларга утары турдум.

Өйдөөбөт эбиттэр маннык дьол баарын,
Доҕорум оннооҕор соһуйа көрөр.
Арай бу өрдөөххө олорпут маһым
Сэбирдэх тылынан махталын этэр!

Наталья Михалева-Сайа тылбааһа