Page 112 - Кун кууьар хайатыттан

Кытаахтаан ылбыппытын
Кынаттарын сарбыйан
Кыараҕас кыбыылыыбыт,
Бэйэ-бэйэбитин халыыбыт,
Бэрпит диэн баргыытыыбыт,
Дойдулары даллыыбыт,
Сир ийэни күрүөлүүбүт
Бу биһиэнэ диэн.

Уонна хаарыан дьоммутугар
Хандалы кэтэрдэбит.
Көҥүлгэ дьулуспуту
Көхсүгэ тэбэбит,
Бар дьонун туһугар
Батгалы утарбыты
Сааттаах баҕанаҕа баайабыт.
Киһи аймаҕы быыһыан баҕарбыты
Кириэскэ тиирэбит.
Ол барыта
Таҥара тутулун утарар,
Айыы тыынын бопсор!
Абааһылары алы гынан,
Адьарайдары аһатар,
Аллараалары алы гынан,
Аймалҕаннаах сэриилэр
Сибиэннэрин күөрэтэр.
Хайа мунун,
Хабыр хапсыһыы
Муҥура көстүбэтий,
Таҥара сорҕото — киһи аймах
Өркөн өйүнэн өндөйбөтүй,
Өһөхтөөх өйүттэн төлөрүйбэтий?
Күөрт ыт күлүүтэ,
Эриэн ыт элэгэ буолбатын
Таҥара айбыт сомоҕо тыына —
Киһи аймах алгыс тыына!

110