Page 114 - Кун кууьар хайатыттан

Или эрэ иилээн-саҕалаан,
Илинтэн тахсар күннүү,
Айыы таптал сылааһынан
Сыдьаайа күлүмнүүр
Көҥүлү күөмчүлээбэт,
Сырдыгы күрүөлээбэт
Күн дьоно буолуоҕуҥ!
Сир диэн күөх планетаҕа
Тапталынан, махталынан
Араҥаччыланан олоруоҕуҥ!

МИН КЫРГЫЗПЫН

Мин кыргызпын, көнөр көҥүлү туруулаһабын!
Мин кыргызпын, өбүгэм кэс тылын тутуһабын!
Аҕа дойдум, Ийэ сирим туһугар
Кэтит кириэппэс да буолан турабын.
Мин кыргызпын, сир уонна халлаан оҕотобун.
Аан дойдулуу былыргы куттаахпын,
Ол эрэн билиҥҥилиин ситимнэһэр,
Кэлэри кэрэһэлиир Аал Кудуктаахпын.

Мин кыргызпын. Охсуһууга да охтубат оҥоһуулаахпын.
Халлаан сулуһун курдук элбии турар эҥээрдээхпин.
Кэм кэрдии кэҕиннэрбэт кэрэкэ тыллаахпын,
Сээркээн сэһэнэ дириҥиир силистээхпин-мутуктаахпын.
Мин кыргызпын. Кутум-сүрүм хоһуун уонна судургу.
Үйэлэр мөҥүөннэрин туораабыт туску суоллаахпын.
Төлкөбүн түстүүр төрүт дойдулаахпын!
Улуу Манаас уһаарбыт — өлбөт мэҥэ олоҥхо куттаахпын.

Саргылана Голъдерова-Саргы Куо тылбааһа