Page 117 - Кун кууьар хайатыттан

Амырыын уот суоһуттан төлө көтө сатааммын,
Истиҥ доҕор оннугар тымныы тааһы кууһабын.

Чэҥ тааһым кытарда, хараҕын ууларын ыйыстар кэриэтэ,
Оргуйбут утаҕын түгэҕэр диэритин ыймахтыы сатаата,
Онтон мин дууһабын ким эрэ аргыйар очуоска аҕалла,
Хаһыытыыр үрдүктэн аллара, көп түгэх умсары бырахта.

Айылҕа тыастарын иҥэрэ сыппытым — хомойон, ыаһыран —
Хоһоонум долгунун хомуйан, хахсааттан хаххалаах буолбутум,
Бу сири тилэхпин элэтэн, элбэхтэ эргиччи кэрийэ хаампытым,
Ол эрэн бэйэбин, мин киммин, букатын даҕаны
билбэтэх эбиппин.
Сарыалы көрбөтүм, түүн үөһэ чаҕылхай сулуһу булбатым,
Күн тахсар кэрэтин, күнүскү олохпут үтүөтүн үөйбэтим,
Эмискэ өйдөөтүм: көстүбэт күлүктэр көлүүрдээх ат гынан
Ханната биллибэт хараҥа ыллыкка салайар эбиттэр...
Иһиэхпин баҕардым...

Синэ биир, баҕар, ис-иһимэ,
Дууһаҕар кутаа уот уостубат — күөдьүйэ умайар,
Дьэ биллим: аньыыны-хараны оччоттон баччаҕа
Бэйэбэр мин испэр баар киһи оҥорор!

Ол онтон долгуйдум, күүгэннээх муоралыы
дьалкыйа сабыстан,
Бэйэлээх бэйэбин, албына суох ис дьиҥмин
көрөртөн куттанан...
Үйэлээх саастарым тухары бэйэбин көрсүөхпүн баҕаартым —
Бэйэбин — олоҕум тухары мин испэр сылдьыбыт
кырдьыкпын...

Мария Алексеева тылбааһа

8*