Page 116 - Кун кууьар хайатыттан

Хараҥа — дьай. Арай үрүҥ күн сыдьаайа
Дууһабын быыһанар ааннарбын арыйар.

ҮРДҮККЭ ТАЛАҺЫЫ

Эһиэхэ дьикти дуо мин маннык этэрим —
Ол үрдүк кэрэҕэ, биһиги тиийиэхтээх
Эбиппит... урусхал быыһыгар умайан,
Аҥайар хаспахха кыһыны да хаайан?

Кылбаарар кынатгар кый үөһэ угуйан,
Сырдыктар, ыраастар ымыылаах ыралар,
Ол эрэн олохпут ис дьиҥэ — көҥүлтэн
Тамаххын ханнарар сиик уулаах иһиттэр.

Мин көтүөм ымсыылаах куйаарбар дапсыйан,
Өксөкү көтөрдүү көҥүллүк кыырайан,
Илиибин-атахпын кэлгийбит ситиммин
Ох гына субуйан халлааҥҥа сыал ытан.

Көттүннэр ол охтор төрөөбүт мин дойдум
Хаар бастаах очуостаах арҕаһын үрдүнэн,
Түстүннэр үрэллэн атаҕым анныгар
Ыар баттык санаалар быыл буола ыһыллан.

МИН ИСПЭР БААР КИҺИ

Сүрэхпин дьулаан куттал баппаҕайа бобо тутар,
Баламат санаалар моонньубар моҥнор быа буолаллар,
Сөкүүндэ, чаас, үйэ миигитгэн куйаарга куоталлар,
Хоһуллар хоһооннор хардары бэйэбин туойаллар.
Курус тыын аһаҕас бааспытган хаан курдук халыйар,
Уҥуохпун хардаҕас оҥостон мин күнү күөдьүтэ бырахтым,
Бэйэбин билбэккэ, бу дууһам сиэркилэ тааһыгар
Өөр да өр сонуйан тураммын таайтарбат күлүкпүн көрүннүм.
Курутуйабын, умайабын — түөспүн кутаа салаата,
Сэбирдэхпин, лабаабын күлүбүрүү сабаата,
114