Page 120 - Кун кууьар хайатыттан

ЫРЫА кистэлэнэ

(Кэпсээн)
Уһун айаҥҥа оҕонньор биһикки доҕордостубут. Кыра
уҥуохтаах хатыҥыр бэйэтигэр кини убаҕас бытыгын дуома
бэркэ дьүөрэлэһэр. Саҥардаҕына, кини киһини магнит кур-
дук бэйэтигэр тардар.
...Айаҥҥа киһи тугу-тугу көрсүбэтэ баарай! Тобурах бы-
ластаах дохсун ардахха баттатгыбыт. Чаҕылҕан күлүмнүүр.
Хаамарга олус ыарахан буолла. Хардарыта өйөһөн, арыычча
үнүөхтэһэн иһэбит.
— Дьэ табыллыбатыбыт эбээт, доҕоттоор! Мантан өссө
куһаҕан буолуо дуо?..
— Бу ардах өссө сүрдэнэрэ буолуо, — диэтэ биир аргыспыт.
— Сырдыыра буоллар, ардах халлаан сырдыырын сөбүлээ-
бэт, этиҥнээх ардах уурайыах этэ, — диэн баран биир киһи-
бит күлэн кэбистэ.
— Сарсыардааҥҥы им халлааҥҥа халыйан эрэр эбээт, —
диэтим.
Ити кэмҥэ чаҕылҕан сырдыгар оҕонньор мин диэки туһаа-
йыллыбыт хараҕын таба көрөн аһардым.
— Уһун айан салгымтатын уонна кутгалы оһуор ойуу-
тун курдук уустук кэпсээн дьэгдьитэр куолута. Туохта эмэтэ
кэпсии түспэккин эбээт, аҕаа, — диэтим.
Үрдүбүтүнэн этиҥ ньириһитэн ааста, оҕонньорбут аргыый
сэһэргээбитинэн барда:
— Киһи олоҕо, уот күлүм гынан ааспытын курдук, сир-
гэ түһэ охсоот, сотору үлүгэр умулла охсон хаалар... Бу кэп-
сиир суолбун билбитим сурдээх өр буолла. Оччоҕо сүүрбэм
этэ. Билигин бу, көмүллэр ииним аттыгар кэлэн турдарбын
даҕаны, олус чуолкайдык өйдүүбүн.
Самаан сайын үгэннээн турар кэмэ этэ. Киирэн эрэр күн
сардаҥата халлаан саҕатын, уматан кэбиһиэх курдук, хойуу-
тук кытардыбыта. Өһөн эрэр кыһыл төлөнү чараас былыттар
буруо курдук тунаарыйа бүрүйбүттэрэ. Ол үөһээ өттө аргыый
борунутуйан барбыта.
Сыл бу кэмигэр толооҥҥо олус киэҥ-дэлэгэй буолааччы.
Мин атым икки иҥэһэтэ үрдүк үүнүүлээх оту тарыы иһэр.
118